'రీసౌండ్' మూవీ షూటింగ్ పున:ప్రారంభం

లాక్ డౌన్ వలన వాయిదా పడిన సినిమా షూటింగ్ లు మళ్ళీ మొదలవుతున్నాయి. ఇప్పటికే నాగ్ వైల్డ్ డాగ్, వెంకటేష్ నారప్ప సినిమాలు మొదలుపెట్టారు. తాజాగా యంగ్ హీరో సాయిరామ్ శంక‌ర్ 'రీసౌండ్' మూవీ షూటింగ్ కూడా పునఃప్రారంభమైంది. ఈ సినిమా ద్వారా ఎస్‌.ఎస్‌. ముర‌ళీకృష్ణ డైరెక్టర్‌గా పరిచయం అవుతున్నారు. ఇక ఈ సినిమాలో సాయి రామ్ శంకర్ తరుపున రాశీ సింగ్ హీరోయిన్ గా నటిస్తోంది. ఇప్పటి వరకు 70 శాతం షూటింగ్ పూర్తి కాగా మిగిలన భాగాన్ని పూర్తి చేయనున్నారు. ఇక ఈ సినిమాని సురేష్ రెడ్డి, ఆయప్పరాజు,రాజారెడ్డి నిర్మిస్తున్నారు. సాయి ప్రకాష్ సినిమాటోగ్రఫి పనిచేస్తుండగా, స్వీకార్ ఆగస్తి సంగీతం అందిస్తున్నారు. సినిమాని వచ్చే ఏడాది రిలీజ్ చేయనున్నారు. సినిమా పైన మంచి అంచనాలు ఉన్నాయి.