Virat Kohli-Anushka: త్వ‌ర‌లో గృహ‌ప్ర‌వేశం చేయ‌నున్న విరుష్క జంట..కొత్త విల్లా కోసం ఎన్ని కోట్లు ఖర్చు చేశారో తెలుసా?
Virat Kohli-Anushka: టీమిండియా స్టార్ క్రికెటర్ విరాట్ కోహ్లీ, అనుష్క శర్మ దంపతులు త్వరలోనే కొత్త ఇంట్లోకి మారబోతున్నారు. అలీబాగ్ లో నిర్మించిన ఇల్లు సిద్ధమవుతోంది. సిబ్బంది ఆ ఇంటిని పువ్వులు, లైట్లతో అందంగా అలంకరిస్తున్న ఫొటోలు,వీడియోలు సోషల్ మీడియాలో వైరల్ అవుతున్నాయి. కోహ్లీ దంపతులు ముంబై నుంచి బుధవారం తమ నూతన గృహ ప్రవేశం కోసం అలీబాగ్ కు వెళ్లారు.
విరాట్ కోహ్లీ, అనుష్క శర్మల అలీబాగ్ ఇంటికి రూ. 32కోట్లు ఖర్చు అయినట్లు సమాచానం. ఈ జంట 2022లో అలీబాగ్ లో 19కోట్లు ఖర్చు చేసి ఇంటి స్థలం కొనుగోలు చేసింది. ఇంటినిర్మాణానికి రూ. 13కోట్లు ఖర్చు చేశారు. 10వేల చదరపు అడుగుల విస్తీర్ణంలో సువిశాలమైన విల్లా,స్విమ్మింగ్ ఫూల్ సహా గార్డెన్ ఏర్పాటు చేయించుకున్నారు.
ఇక ఈ విల్లాలో ఉష్ణోగ్రతను కంట్రోల్ చేసే స్విమ్మింగ్ పూల్, బెస్పోక్ కిచెన్, నాలుగు బాత్రూమ్స్, జాకుజీ, విశాలమైన గార్డెన్, కవర్ పార్కింగ్, స్టాఫ్ క్వార్టర్స్ ఎన్నో సౌకర్యాలు ఉన్నాయి. ఈ ఇంటిని ఫిలిప్ ఫౌచ్ నేత్రుత్వంలోని ప్రపంచవ్యాప్తంగా గుర్తింపు పొందిన ఆర్కిటెక్ట్స్ డిజైన్ చేశారు. ఇది కాలిఫోర్నియా కొంకణ్ మాదిరి నాలుగు పడకగదుల విల్లా.
అనుష్క శర్మ, విరాట్ కోహ్లీ, 2021లో వారి మొదటి బిడ్డ కుమార్తె వామికను స్వాగతించారు. ఆ తర్వాత గత ఏడాది ఫిబ్రవరిలో అకయ్ అనే మగబిడ్డ జన్మించారు. వర్క్ ఫ్రంట్‌లో, అనుష్క శర్మ చివరిసారిగా ఆనంద్ ఎల్ రాయ్ 2018 చిత్రం జీరోలో కనిపించింది. ఇది బాక్సాఫీస్ వద్ద రాణించలేదు. 2022లో విడుదలైన అన్వితా దత్ 'కాలా'లో అనుష్క గెస్ట్ రోల్లో నటించారు.