Pawan Kalyan: మహారాష్ట్ర ఎన్నికల ప్రచారానికి పవన్ కళ్యాణ్

Pawan Kalyan: ఈ నెల 16, 17 తేదీల్లో మహారాష్ట్రలో జనసేన చీఫ్‌ పవన్‌ కల్యాణ్‌ పర్యటించనున్నారు. ఎన్డీయే కూటమి తరఫున ఆయన ప్రచారంలో పాల్గొననున్నారు. మహారాష్ట్రలోని వివిధ జిల్లాల్లో రోడ్‌ షోలతో పాటు.. బహిరంగ సభలు, ర్యాలీల్లో ఏపీ డిప్యూటీ సీఎం పవన్‌ కల్యాణ్‌ పాల్గొననున్నారు. పవన్‌తో పాటు మహారాష్ట్రకు జనసేన పీఏసీ చైర్మన్‌ నాదెండ్ల మనోహర్‌ వెళ్లనున్నారు. ఆయనతో కలిసి ప్రచారంలో పాల్గొననున్నారు నాదెండ్ల.

మహారాష్ట్ర అసెంబ్లీ ఎన్నికల ప్రచారానికి సమయం తక్కువగా ఉండడంతో పార్టీలన్నీ ప్రచార సభలతో హోరెత్తిస్తున్నాయి. ఇప్పటికే మ్యానిఫెస్టోలు విడుదల చేశాయి. మహారాష్ట్ర అసెంబ్లీ ఎన్నికలు ఈ నెల 20న జరగనున్న విషయం తెలిసిందే. ఈ ఎన్నికల ఫలితాలను ఈ నెల 23న ప్రకటిస్తారు.