Pushpa 2: పుష్ప2కి మరో 75 రోజులే.. కొత్త పోస్టర్‌ చూశారా.?

Pushpa 2: అల్లు అర్జున్ హీరోగా, సుకుమార్‌ దర్శకత్వంలో తెరకెక్కుతోన్న పుష్ప2 చిత్రంపై ఎంతటి అంచనాలు ఉన్నాయో ప్రత్యేకంగా చెప్పాల్సిన పనిలేదు. పుష్ప తొలి పార్ట్ ఊహకందని విజయాన్ని అందుకోవడంతో సహజంగానే ఈ సినిమాపై భారీ అంచనాలు ఏర్పడ్డాయి. నేషనల్ వైడ్‌గా పుష్ప సృష్టించిన సంచలనంతో సీక్వెల్ను మరింత పకడ్బందీగా తెరకెక్కించే పనిలో పడ్డాడు దర్శకుడు సుకుమారు.

ఇందులో భాగంగానే ఈ చిత్రాన్ని భారీ బడ్జట్‌తో అందరి అంచనాలు మించేలా తెరకెక్కిస్తున్నాడు. ప్రస్తుతం షూటింగ్‌ చివరి దశకు చేరుకున్న ఈ సినిమాను డిసెంబర్‌ 6వ తేదీన విడుదల చేయడానికి చిత్ర యూనిట్ సన్నాహాలు చేస్తోంది. ఇప్పటికే మేకర్స్‌ ఈ విషయాన్ని అధికారికంగా ప్రకటించారు. ఇదిలా ఉంటే ఈ సినిమా విడుదలకు సరిగ్గా 75 రోజులు మాత్రమే ఉంది. ఈ విషయాన్ని తెలియజేస్తూ చిత్ర యూనిట్ తాజాగా ఓ అప్‌డేట్‌ను విడుదల చేసింది.

పుష్ప2 చిత్రం విడుదలకు ఇంకా 75 రోజులే ఉందని తెలియజేస్తూ చిత్ర యూనిట్‌ ఒక కొత్త పోస్టర్‌ను విడుదల చేసింది. ఇందులో బన్నీ లుక్‌ ఓ రేంజ్‌లో ఉంది. ఎర్రచందనం సిండికేట్‌గా బాస్‌ ఎదిగిన పుష్పరాజ్‌ జీవితం ఎలాంటి మలుపులు తిరుగుందన్న కథాంశంతోనే ఈ సీక్వెల్ తెరకెక్కుతోంది. తాజాగా విడుదల చేసిన పోస్టర్‌ ఈ స్టోరీలైన్‌కు సరిగ్గా సరిపోయేలా కనిపిస్తోంది. ఇదిలా ఉంటే ప్రస్తుతం ఈ సినిమా షూటింగ చివరి దశకు చేరుకుంది.

స్పెషల్‌ సాంగ్‌తో పాటు కొన్ని కీలక సన్నివేశాలను చిత్రీకరించాల్సి ఉందని సమాచారం. క్లైమాక్స్ అనంత‌రం శ‌ర‌వేగంగా పోస్ట్ ప్రోడ‌క్ష‌న్ ప‌నులు స్టార్ట్ చేయ‌బోతున్న‌ట్లు చిత్ర యూనిట్ తెలిపింది. ఇక ఈ సినిమా కోసం ఏకంగా రూ. 500 కోట్లు ఖర్చు చేయనున్న విషయం తెలిసిందే. మరి ఇన్ని అంచనాల నడుమ తెరకెక్కుతోన్న పుష్ప2 ఇండియన్‌ ఫిలిమ్‌ ఇండస్ట్రీలో ఎలాంటి మ్యాజిక్‌ క్రియేట్ చేస్తుందో చూడాలి.