బెజవాడ వేదికగా హెచ్ ఎం టీవీ ఆధ్వర్యంలో ప్రతిష్టాత్మక అగ్రి ఎక్స్ పో

hmtv Agri Expo 2022: హెచ్ ఎంటీవీ ఆధ్వర్యంలో బెజవాడలో అగ్రి ఎక్స్ పో ప్రతిష్టాత్మకంగా సాగుతోంది. అన్నదాతలకు ఉపయోగపడే విధంగా అన్ని వ్యవసాయ ఉత్పత్తులు, పరికరాలను ఒకే వేదికపై చేర్చి రైతులకు ప్రదర్శనగా ఉంచారు. హెచ్ ఎం టీవీ ఆధ్వర్యంలో ఏర్పాటైన ఈ ప్రదర్శనను మంత్రి కొడాలి నాని ప్రారంభించారు. అనంతరం స్టాల్స్ లో కలియ తిరిగారు. ప్రకృతిలో వ్యవసాయం మిళితమై ఉందని ప్రకృతి వ్యవసాయం ద్వారా లాభాలు పొందచ్చని నాని అన్నారు.

రైతులంతా ఈ కార్యక్రమంలో భాగస్వాములు కావాలని నాని కోరారు. బెజవాడ అగ్రి ఎక్స్ పోలో పెద్ద ఎత్తున వ్యవసాయ ఉత్పత్తుల స్టాల్స్ ఉన్నాయి. దేశ విదేశీ కంపెనీలు ఈ ప్రదర్శనలో తమ ఉత్పత్తులను ఉంచాయి. ఆర్గానిక్ ఉత్పత్తులతో పాటు పౌల్ట్రీ ఉత్పత్తులను కూడా ప్రదర్శనకు ఉంచారు.