Guvvala Balaraj: మల్కాజ్‌గిరిలో మళ్లీ గెలిచే సత్తా రేవంత్‌కు ఉందా?

Guvvala Balaraj: పీసీసీ అధ్యక్షుడిలా రేవంత్‌రెడ్డి మాట్లాడటంలేదని, కాంగ్రెస్-టీడీపీ ప్రభుత్వాల వల్ల పాలమూరుకు ఏం ఒరిగిందని రేవంత్‌రెడ్డిని ప్రశ్నించారు ఎమ్మెల్యే గువ్వల బాలరాజు. కొడంగల్‌లో పట్నం నరేందర్‌రెడ్డి చేతిలో ఓడిన రేవంత్ గతం మర్చిపోయి మాట్లాడుతున్నారని ఆరోపించారు. ఆ తర్వాత మల్కాజిగిరిలో గెలిచిన రేవంత్‌.. తనను గెలిపించిన ప్రజలకు ఏం చేశారో చెప్పాలని డిమాండ్‌ చేశారు ఎమ్మెల్యే గువ్వల. భయం వల్లే రేవంత్‌ కేంద్రంపై మాట్లాడటంలేదని విమర్శించారు. పీసీసీ అధ్యక్ష పదవిని వ్యాపారాల కోసం వాడుకుంటున్నారని ఆరోపించారు. రేవంత్‌కు ధైర్యం ఉంటే ప్రాజెక్టులపై చర్చకు రావాలని సవాల్‌ విసిరారు. మల్కాజ్‌గిరిలో మళ్లీ గెలిచే సత్తా ఉందా? అని ప్రశ్నించారు.