Road Accident: ప్రైవేట్‌ బస్సును ఢీకొట్టిన ఆర్టీసీ బస్సు.. 30 మందికి గాయాలు

Road Accident: సూర్యాపేట జిల్లాలో రోడ్డుప్రమాదం జరిగింది. కోదాడ దగ్గర హైవేపై ఆగివున్న ట్రావెల్స్‌ బస్సును వెనుకనుంచి అతివేగంగా ఆర్టీసీ బస్సు ఢీకొట్టింది. ఈ ఘటనలో 30 మంది ప్రయాణికులకు గాయాలు కాగా.. వారందరినీ కోదాడ ప్రభుత్వాస్పత్రికి తరలించి చికిత్స అందిస్తున్నారు.

హైదరాబాద్‌ నుంచి విజయవాడకు వెళ్తుండగా ఈ ఘటన చోటుచేసుకుంది. హైదరాబాద్‌ నుంచి విజయవాడ వెళ్తూ మార్గమధ్యలో రోడ్డు పక్కన ఆపిన ప్రైవేట్‌ బస్సును గమనించని ఆర్టీసీ బస్సు డ్రైవర్‌ వెనుక నుంచి వచ్చి ఢీకొట్టడంతో ప్రమాదం జరిగింది.