ఎమ్మెల్యే జోగు రామన్న తీరుపై బీజేపీ గిరిజన మోర్చా నాయకులు ఫైర్‌

ఆదిలాబాద్‌ ఎమ్మెల్యే జోగు రామన్న తీరుపై బీజేపీ గిరిజన మోర్చా నాయకులు ఆగ్రహం వ్యక్తం చేశారు. ఎంపీ సోయం బాపురావుపై చేసిన అనుచిత వ్యాఖ్యలను వెంటనే ఉపసంహరించుకోవాలని డిమాండ్‌ చేశారు. ఈ సందర్భంగా.. తెలంగాణ చౌక్‌లో ఎమ్మెల్యే దిష్టిబొమ్మను దగ్ధం చేశారు. 24గంటల్లో ఎంపీకి క్షమాపణలు చెప్పాలని, లేకపోతే ఎమ్మెల్యేపై అట్రాసిటీ కేసు పెడతామంటూ హెచ్చరించారు. అదేవిధంగా గిరిజన గ్రామాలలో జోగురామన్నను రానివ్వబోమని అల్టిమేటం చేశారు.