Ind vs SA: నేడు భారత్-దక్షిణాఫ్రికా మూడో టీ20.. మ్యాచ్ రద్దయ్యే అవకాశం.. కారణం ఇదే..?

Ind vs SA: భారత్-దక్షిణాఫ్రికా జట్ల మధ్య నాలుగు టీ20ల సిరీస్‌లో భాగంగా ఈరోజు సాయంత్రం మూడో మ్యాచ్ జరగనుంది. సిరీస్‌లో ముందంజ వేయాలనే ఉద్దేశ్యంతో ఇరు జట్లు సెంచూరియన్‌లోని సూపర్‌స్పోర్ట్స్ పార్క్‌లోకి అడుగుపెట్టనున్నాయి. ప్రస్తుతం ఇరు జట్లు 1-1తో విజయం సాధించి సమ స్థాయిలో ఉన్నాయి. తొలి మ్యాచ్‌లో భారత్ 61 పరుగుల తేడాతో గెలుపొందగా, రెండో టీ20లో దక్షిణాఫ్రికా మూడు వికెట్ల తేడాతో భారత్‌పై విజయం సాధించింది.

దక్షిణాఫ్రికాతో జరిగిన రెండో టీ20లో భారత్ 124 పరుగులకే ఆలౌటైంది. వరుణ్ చక్రవర్తి 5 వికెట్లు పడగొట్టి మ్యాచ్ ను మలుపు తిప్పాడు. దక్షిణాఫ్రికా 13వ ఓవర్‌లో 66-6 , 16వ ఓవర్‌లో 86-7తో ఉంది. దీని కారణంగా భారత్ మ్యాచ్‌పై పూర్తిగా ఆధిపత్యం చెలాయించింది. కానీ ట్రిస్టన్ స్టబ్స్ 47 పరుగులతో అద్భుత ఇన్నింగ్స్ ఆడి జట్టును విజయతీరాలకు చేర్చాడు.

మూడో టీ20లో వాతావరణం ఎలా ఉంటుంది?

తొలి రెండు మ్యాచ్‌ల్లో వర్షం పడే సూచన ఉన్నప్పటికీ వాతావరణం సహకరించడంతో రెండు టీ 20లు సజావుగా సాగాయి. అయితే ఈ మ్యాచ్‌లో వర్షం కురిసే అవకాశం చాలా తక్కువగా ఉన్నట్లు తెలుస్తుంది. వర్షం పడే అవకాశం కేవలం 20 శాతం మాత్రమేనట. అయితే మ్యాచ్ జరిగే సమయానికి వాతావరణం పొడిగా ఉంటుందని అంచనా. ఉష్ణోగ్రత దాదాపు 20 డిగ్రీలు ఉంటుంది. ఇది రోజంతా ఆహ్లాదకరంగా ఉంటుంది.

మూడో టీ20లో పిచ్ ఎలా ఉంటుంది?

సెంచూరియన్ పిచ్ గురించి చెప్పాలంటే.. ఫాస్ట్, బౌన్స్ రెండూ ఇక్కడ చూడవచ్చు. ఈ మ్యాచ్‌లో ఫాస్ట్‌బౌలర్లకు ఈ పిచ్ అనుకూలిస్తుందని భావిస్తున్నారు. అదనపు బౌన్స్ కారణంగా, ఇది బ్యాట్స్‌మెన్‌ను ఇబ్బంది పెట్టడానికి స్పిన్నర్‌కు కూడా సహాయపడుతుంది. ఈ మైదానంలో ఆడిన 14 మ్యాచ్‌ల్లో 8 మ్యాచ్‌లు రెండో ఇన్నింగ్స్‌లో బ్యాటింగ్‌ చేసిన టీమిండియా గెలుపొందింది.

భారత జట్టు:

సూర్యకుమార్ యాదవ్ (కెప్టెన్), అభిషేక్ శర్మ, సంజు శాంసన్ (వికెట్ కీపర్), రింకూ సింగ్, తిలక్ వర్మ, జితేష్ శర్మ (వికెట్ కీపర్), హార్దిక్ పాండ్యా, అక్షర్ పటేల్, రమణదీప్ సింగ్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్, విజయ్‌కుమార్ వైషాక్, అవేష్ , యష్ దయాళ్.