Champions Trophy: పీసీబీకి గుడ్‌న్యూస్, బీసీసీఐకి బ్యాడ్ న్యూస్.. ఛాంపియన్స్ ట్రోఫీపై ఐసీసీ ఏం చెప్పిందంటే?
ICC Champions Trophy 2025: ఛాంపియన్స్ ట్రోఫీ 2025 కోసం పాకిస్థాన్‌లో జరుగుతున్న ఏర్పాట్లపై అంతర్జాతీయ క్రికెట్ కౌన్సిల్ (ICC) సంతృప్తి వ్యక్తంచేసింది. టోర్నీకి సంబంధించిన పనులను వేగవంతం చేయాలని పాకిస్థాన్ క్రికెట్ బోర్డు (పీసీబీ)ని కోరింది. ఐసీసీ సమావేశంలో పాల్గొనేందుకు పీసీబీ చైర్మన్ దుబాయ్ వెళ్లారు. ఈ టోర్నమెంట్‌ను నిర్వహించడానికి పాకిస్థాన్ తన మూడు స్టేడియాలను (కరాచీ, లాహోర్, రావల్పిండి) మెరుగుపరచాలని నిర్ణయించుకుంది. ఈ మేరకు అభివృద్ధి వివరాలను ఐసిసికి సమర్పించాడు.
ఐసీసీకి పీసీబీ ఏం చెప్పింది?
పాకిస్థాన్ వెబ్‌సైట్ జియో న్యూస్ ప్రకారం, వచ్చే ఏడాది ఫిబ్రవరిలో మెగా ఈవెంట్ ప్రారంభానికి ముందే వేదికలు సిద్ధమవుతాయని ఐసీసీ భావిస్తోంది. పాకిస్థాన్‌లో పర్యటించాలని నఖ్వీ ఐసీసీని కోరారు. ఇది కాకుండా, టోర్నమెంట్ కోసం జరుగుతున్న సన్నాహాలు, ఏర్పాట్లను స్వయంగా పరిశీలించాలని ఐసిసిని అభ్యర్థించాడు.
అందరి దృష్టి భారత్‌పైనే..
ఇప్పుడు అందరి దృష్టి భారత క్రికెట్ కంట్రోల్ బోర్డు (బీసీసీఐ) పైనే ఉంది. ప్రపంచ అగ్రశ్రేణి క్రికెట్ జట్టు అయిన భారత్ లేకుండా ఛాంపియన్స్ ట్రోఫీ 2025 విజయవంతం కాదు. ఇంగ్లండ్ అండ్ వేల్స్ క్రికెట్ బోర్డు (ఈసీబీ) చీఫ్ రిచర్డ్ గౌల్డ్ భారత్ లేకుండా ఐసీసీ టోర్నీ ముందుకు సాగదని ఇప్పటికే ప్రకటించిన సంగతి తెలిసిందే. తమ జట్టును పంపే విషయంలో బీసీసీఐ ఇంకా ఎలాంటి ధృవీకరణ ఇవ్వలేదు. భారత ప్రభుత్వ అనుమతి తర్వాతే జట్టును పంపే నిర్ణయం తీసుకుంటామని బోర్డు చెబుతోంది.
16 ఏళ్లుగా పాకిస్థాన్‌లో పర్యటించని భారత జట్టు..
భారత క్రికెట్ జట్టు 16 ఏళ్లుగా పాకిస్థాన్‌లో పర్యటించలేదు. ఛాంపియన్స్ ట్రోఫీకి కూడా ఇదే పరిస్థితి కనిపిస్తోంది. టీమ్ ఇండియా కోసం పీసీబీ పలు ప్రణాళికలు సిద్ధం చేసింది. మీడియా కథనాల ప్రకారం బీసీసీఐకి లేఖ రాసిందని వార్తలు వినిపిస్తున్నాయి. ఇందులో, బీసీసీఐ కోరుకుంటే, పాకిస్తాన్‌లో మ్యాచ్ ఆడిన తర్వాత భారత జట్టు ఢిల్లీ లేదా చండీగఢ్‌కు తిరిగి వెళ్లొచ్చని పీసీబీ పేర్కొంది. ఈ నివేదిక సరైనదేనా అనే సందేహాలు ఉన్నాయి. అధికారికంగా అభ్యర్థించినప్పటికీ దాని గురించి ఆలోచించమని బీసీసీఐ ఇప్పటికే కొట్టిపారేసింది.
ICC ఛాంపియన్స్ ట్రోఫీ ప్రతిపాదిత షెడ్యూల్..
19 ఫిబ్రవరి: న్యూజిలాండ్ vs పాకిస్థాన్ - కరాచీ
20 ఫిబ్రవరి: బంగ్లాదేశ్ vs ఇండియా - లాహోర్
21 ఫిబ్రవరి: ఆఫ్ఘనిస్తాన్ vs దక్షిణాఫ్రికా - కరాచీ
22 ఫిబ్రవరి: ఆస్ట్రేలియా vs ఇంగ్లండ్ - లాహోర్
23 ఫిబ్రవరి: న్యూజిలాండ్ వర్సెస్ ఇండియా - లాహోర్
24 ఫిబ్రవరి: పాకిస్థాన్ వర్సెస్ బంగ్లాదేశ్ - రావల్పిండి
25 ఫిబ్రవరి: ఆఫ్ఘనిస్తాన్ vs ఇంగ్లండ్ - లాహోర్
ఫిబ్రవరి 26: ఆస్ట్రేలియా vs దక్షిణాఫ్రికా - రావల్పిండి
ఫిబ్రవరి 27: బంగ్లాదేశ్ vs న్యూజిలాండ్ - లాహోర్
ఫిబ్రవరి 28: ఆఫ్ఘనిస్తాన్ vs ఆస్ట్రేలియా - రావల్పిండి
మార్చి 1: పాకిస్థాన్ vs ఇండియా - లాహోర్
మార్చి 2: దక్షిణాఫ్రికా vs ఇంగ్లాండ్ - రావల్పిండి
మార్చి 5 : సెమీ-ఫైనల్ - కరాచీ
మార్చి 6: సెమీ-ఫైనల్ - రావల్పిండి
మార్చి 9: ఫైనల్ - లాహోర్.