Viral Video: ఇదెక్కడి మాస్‌ రా నాయనా.. సిగరెట్‌ను ఇలా కూడా వెలిగిస్తారా.?

Viral Video: సోషల్‌ మీడియా అందుబాటులోకి వచ్చిన తర్వాత ఎక్కడో పల్లెటూర్లలో ఉన్న వారి ట్యాలెంట్‌ కూడా ప్రపంచానికి తెలుస్తోంది. తమలోని ప్రతిభను ప్రపంచానికి పరిచయం చేస్తూ.. ఇట్టే వైరల్‌ అవుతున్నారు. అయితే కేవలం మంచి పనులు చేసి మాత్రమే కాదండోయ్‌, కొంటె పనులు చేస్తూ కూడా వైరల్‌ అయ్యే వాళ్లు కూడా చాలా మందే ఉన్నారు. అలాంటి వారికి కూడా సోషల్‌ మీడియాలో బాగా ఫాలోయింగ్ ఉంది.

తాజాగా ఓ యువకుడు ఇలా ఓ తలతిక్కల పని చేసి నెట్టింట తెగ వైరల్‌ అవుతున్నాడు. ఇంతకీ విషయం ఏంటంటే.. సాధారణంగా స్మోకింగ్ చేయడం ఆరోగ్యానికి హానికరమని తెలిసిందే. అయితే పొగరాయుళ్లు మాత్రం గుప్పుగుప్పుమని పొగను వదులుతుంటారు. అయితే సాధారణంగా సిగరెట్ వెలిగించుకోవాలంటే అగ్గిపెట్టె లేదా లైటర్‌ ఉపయోగిస్తుంటారు. ఇది మనందరికీ తెలిసిందే. మరి ఇవేవి లేకపోతే పరిస్థితి ఎలా.?

అచ్చంగా ఓ యువకుడికి ఇలాంటి సమస్య ఎదురైంది. దీంతో ఓ విచిత్రమైన మార్గాన్ని ఎంచుకున్నాడు. ఎక్కడో ఓ ఈవెంట్ జరుగుతోంది. ఇందులో భాగంగా డీజే సౌండ్‌తో పాటు లైట్స్‌ను ఏర్పాటు చేశారు. అంతలోనే ఓ యువకుడు జేబులో నుంచి సిగరెట్ తీసుకొని వెలిగిద్దామనుకున్నాడు. అయితే అందుబాటులో అగ్గిపెట్టె లేకనో.. అందరి దృష్టిని ఆకర్షించాలనో కానీ.. నేరుగా అక్కడ ఉన్న డీజే బాక్స్‌లపైకి ఎక్కాడు.

నోట్లో సిగరెట్ పెట్టుకొని అక్కడే ఉన్న లైట్స్‌కు తాకించాడు. అయితే లైట్స్‌ నుంచి వచ్చే అత్యంత వేడి కారణంగా ఆ సిగరెట్‌ అంటుకుంది. దీంతో గుప్పుమని పొగను గుంజేశాడు. ఇదంతా అక్కడే ఉన్న వారు స్మార్ట్‌ ఫోన్‌లో చిత్రీకరించి సోషల్‌ మీడియాలో పోస్ట్‌ చేశారు. ఇంకేముంది ఈ వీడియో కాస్త సోషల్‌ మీడియాలో తెగ వైరల్‌ అవుతోంది. ఈ వీడియో చూసిన నెటిజన్లు.. ఇదెక్కడి మాస్‌ రా మావా.. సిగరెట్‌ను ఇలా కూడా వెలిగిస్తారా.? అంటూ కామెంట్స్ చేస్తున్నారు.