స్కూటర్ రూ.65 వేలు , జరిమానా లక్ష!
కేంద్రప్రభుత్వం కొత్తగా అమలు చేసిన మోటారు వాహన చట్టం వాహనదారులకు చుక్కలు చూపిస్తోంది. ఈ నేపథ్యంలో స్కూటరు ఖరీదు కంటే భారీగా జరిమానా విధించింన ఘటన ఒడిశాలో చోటుచేసుకుంది.
కేంద్రప్రభుత్వం కొత్తగా అమలు చేసిన మోటారు వాహన చట్టం వాహనదారులకు చుక్కలు చూపిస్తోంది. ట్రాఫిక్ నిబంధనలు ఉల్లంఘించేవారిపై చలానాలు వేయడంతో రోజుకు కొన్ని వేల రూపాయులు చలానాల రూపంలో వసూలవుతున్నాయి. ఈ నేపథ్యంలో స్కూటరు ఖరీదు కంటే భారీగా జరిమానా విధించింన ఘటన ఒడిశాలో చోటుచేసుకుంది. హోండా యాక్టివాను ట్రాఫిక్ పోలీసులు సుమారు లక్ష రూపాయల జరిమానా విధించారు. భువనేశ్వర్‌లో ఒక వ్యక్తి హోండా యాక్టివాను ఇటీవల కొనుగోలు చేశాడు. ఈ స్కూటర్‌ను కటక్‌లోని ఒక చెక్ పోస్టువద్ద ట్రాఫిక్ పోలీసులు అడ్డుకున్నారు. ఈ స్కూటర్‌పై రిజిస్ట్రేషన్ నంబరు లేదు. దీంతో ఆర్టీఓ సంబంధిత వాహన డీలర్‌కు రిజిస్ట్రేషన్ ప్లేట్ బిగించనందుకు సుమారు లక్ష రూపాయల జరిమానా విధించారు. ఇంతేకాకుండా భువనేశ్వర్ ఆర్టీవో అధికారులు ఆ డీలర్‌షిప్ నకు సంబంధించిన ట్రేడ్ లైసెన్సును రద్దు చేస్తామన్నారు. అలాగే ఎటువంటి డాక్యుమెంట్లు లేకుండా స్కూటర్‌ను ఎలా డెలివరీ చేశారని డీలర్‌ను ప్రశ్నించారు.