NTR - Koratala Siva: కొరటాల శివ సినిమాని వాయిదా వేసిన ఎన్టీఆర్

NTR - Koratala Siva: ప్రస్తుతం "ఆర్ ఆర్ ఆర్" సినిమాతో బిజీగా ఉన్న యంగ్ టైగర్ ఎన్టీఆర్ ఈ సినిమా పూర్తయిన తర్వాత కొరటాల శివ దర్శకత్వంలో ఓ సినిమా చేయబోతున్న సంగతి తెలిసిందే. "జనతా గ్యారేజ్" సినిమా తర్వాత కొరటాల శివ మరియు ఎన్టీఆర్ కాంబినేషన్ లో ప్రేక్షకుల ముందుకు రాబోతున్న రెండవ సినిమా ఇది.

దీంతో ఈ సినిమాపై భారీ అంచనాలు నెలకొన్నాయి. కానీ తాజా సమాచారం ప్రకారం ఈ సినిమాకి ఇప్పుడు కొన్ని ఇబ్బందులు వచ్చిపడ్డాయి. ఎన్టీఆర్ ఈ సినిమా షూటింగ్ ని మరికొద్ది రోజుల పాటు వాయిదా వేయాలని అనుకుంటున్నారట. దానికి కారణం ఎన్టీఆర్ ఈ మధ్యనే తన వేలు సర్జరీ చేయించుకున్న సంగతి తెలిసిందే.

నిజానికి ఈ సినిమా షూటింగ్ ఈ ఏడాది డిసెంబర్ లో సెట్స్ పైకి వెళ్ళాల్సి ఉంది. కానీ సర్జరీ తర్వాత ఎన్టీఆర్ మరికొద్ది రోజులు విశ్రాంతి తీసుకుంటే మంచిదని అందుకే ఈ సినిమా షూటింగ్ ను మరికొద్ది రోజులు వాయిదా వేసినట్లు సమాచారం.

అయితే ఈ గ్యాప్ లో ఎన్టీఆర్ "ఆర్ ఆర్ ఆర్" సినిమా ప్రమోషన్స్ లో కూడా పాల్గొన బోతున్నారు. మరో వైపు కొరటాల శివ కూడా మెగాస్టార్ చిరంజీవి హీరోగా నటిస్తున్న"ఆచార్య" సినిమాతో బిజీగా ఉన్న సంగతి తెలిసిందే. రామ్ చరణ్ ఈ సినిమాని నిర్మిస్తున్నారు. ఎన్టీఆర్ కొరటాల శివ సినిమా గురించిన మరిన్ని వివరాలు త్వరలో వెలువడనున్నాయి.