మహేష్ గుడ్ న్యూస్.. త్రివిక్రమ్ తో మరో సినిమా!

Mahesh Babu With Trivikram : టాలీవుడ్ సూపర్ స్టార్ మహేష్ బాబు, మాటల మాంత్రికుడు త్రివిక్రమ్ శ్రీనివాస్ కాంబినేషన్ అంటే ప్రేక్షకులలో ఎంత క్రేజ్ ఉంటుందో ప్రత్యేకంగా చెప్పాల్సిన పనిలేదు.. ఈ కాంబినేషన్ లో ఇప్పటికే వచ్చిన అతడు మూవీ మంచి హిట్ కాగా, ఖలేజా సినిమా దారుణంగా ప్లాప్ అయింది. ఖలేజా ప్లాప్ అయినప్పటికీ మహేష్ అభిమానులకి మాత్రమే కాదు.. చాలా మంది ఆడియన్స్ కి అదో బెస్ట్ మూవీ.. మళ్ళీ ఈ కాంబినేషన్ ఎప్పుడు రీపీట్ అవుతుందా అని చాలా మంది ఫ్యాన్స్ ఎదురుచూస్తున్నారు. అయితే ఆలాంటి అభిమానుల కోసం మహేష్ బాబు గుడ్ న్యూస్ చెప్పాడు.

ఖలేజా సినిమా వచ్చి నిన్నటికి పదేళ్ళు పూర్తి అయిన సందర్భంగా మహేష్ ఆసక్తికరమైన ట్వీట్ చేశాడు.. "నటుడిగా నన్ను నేను తిరిగి ఆవిష్కరించుకున్న చిత్రమిది అంటూ ట్వీట్‌ చేశారు. ''నా కెరీర్‌లో ఎప్పటికీ ప్రత్యేకమైన సినిమా 'ఖలేజా'. నాకు మంచి ఫ్రెండ్, అద్భుతమైన త్రివిక్రమ్‌కి కృతజ్ఞతలు. మన తదుపరి చిత్రం కోసం ఎదురు చూస్తున్నా. అతి త్వరలోనే'' అంటూ మహేష్ ఈ ట్వీట్ చేశాడు.. చూస్తుంటే మళ్ళీ వీరి కాంబినేషన్ లో త్వరలోనే ఓ సినిమా రానుందని తెలుస్తోంది.

ఇక ఈ ఏడాది ఆరంభంలో మహేష్ బాబు సరిలేరు నీకెవ్వరు సినిమాతో హిట్ కొట్టగా, అటు త్రివిక్రమ్ అల వైకుంఠపురములో చిత్రంతో సెన్సేషన్ హిట్ కొట్టాడు. ప్రస్తుతం మహేష్ బాబు పరుశురాంతో సర్కారు వారి పాట సినిమా చేస్తున్నాడు.. ఈ సినిమాలో కీర్తి సురేష్ హీరోయిన్ గా నటిస్తోంది. అటు త్రివిక్రమ్ ఎన్టీఆర్ తో ఓ సినిమాని చేస్తున్నాడు.. ఈ సినిమాకి ఆయనను పోవాలె హస్తినకు అనే టైటిల్ ని ఫిక్స్ చేసినట్టుగా తెలుస్తోంది. ఇందులో రష్మిక మందన్నా హీరోయిన్ గా నటిస్తోంది.