Joint Pain Relief Tips: కీళ్ల నొప్పులు వేధిస్తున్నాయా.. ప్రతిరోజు ఇలా చేస్తే ఉపశమనం లభిస్తుంది..!

Joint Pain Relief Tips: నేటి ఆధునిక జీవనశైలిలో చిన్న వయసులోనే కీళ్ల నొప్పుల సమస్యలు ఎదురవుతున్నాయి. ప్రాచీనకాలంలో అయితే ఇది వృద్ధాప్యంలో ఎదురయ్యే సమస్య. కానీ నేటి కాలంలో తప్పుడు ఆహారపు అలవాట్లు , జీవనశైలిలో మార్పులు రావడం, శారీరక శ్రమ లేకపోవడం వల్ల చిన్న వయసులోనే కీళ్ల నొప్పులకు గురవుతున్నారు. 30 ఏళ్ల తర్వాత కీళ్ల నొప్పులు వచ్చాయంటే శరీరం అసమతుల్యతకు గురైందని అర్థం. ఆయుర్వేద సూత్రాలను అనుసరించడం , ఆరోగ్యకరమైన జీవనశైలిని అవలంబించడం వల్ల కీళ్ల నొప్పుల నుంచి ఉపశమనం పొందవచ్చు. అలాంటి అలవాట్ల గురించి ఈ రోజు తెలుసుకుందాం.

నిశ్చల జీవనశైలి

ఆధునిక పని వాతావరణంలో తరచుగా ఎక్కువసేపు కూర్చోవడం జరుగుతుంది. ఇది కీళ్లకు మద్దతు ఇచ్చే కండరాలను బలహీనపరుస్తుంది, దృఢత్వాన్ని కలిగిస్తుంది.

పేలవమైన ఆహారం : ప్రాసెస్ చేసిన ఆహారాలు, చక్కెర అధిక వినియోగం, అలాగే పోషకాలను తగినంతగా తీసుకోకపోవడం కీళ్ల ఆరోగ్యాన్ని ప్రభావితం చేస్తున్నాయి. ఫలితంగా వాపులకు కారణమవుతున్నాయి.

వ్యాయామం లేకపోవడం : చాలామంది శారీరక శ్రమ లేకుండా బతికేస్తున్నారు. కీళ్లను లూబ్రికేట్‌గా, ఫ్లెక్సిబుల్‌గా ఉంచడం ద్వారా కీళ్ల ఆరోగ్యాన్ని కాపాడుకోవచ్చు. ఇందుకోసం క్రమం తప్పకుండా వ్యాయామం చేయడం అలవాటు చేసుకోవాలి.

పర్యావరణ కాలుష్యం : పర్యావరణ కాలుష్యాలు, రసాయనాలకు గురికావడం వల్ల వాపులు సంభవిస్తున్నాయి. కీళ్ల సమస్యలు ఎదురవుతున్నాయి.

ఆయుర్వేద చిట్కాలు

ఆహార మార్పులు : రోజువారీ ఆహారంలో పసుపు, అల్లం, వెల్లుల్లి వంటి యాంటీ ఇన్ఫ్లమేటరీ ఎలిమెంట్లను చేర్చుకోండి. ఈ పదార్థాలు శక్తివంతమైన లక్షణాలను కలిగి ఉంటాయి. ఇవి కీళ్ల వాపులను తగ్గించడంలో సహాయపడుతాయి.

హెర్బల్ సప్లిమెంట్స్ : కుంకుమపువ్వు, అర్జునుడు, శిలాజిత్, అశ్వగంధ, ముస్లి వంటి ఆయుర్వేద మూలికా పదార్ధాలను తీసుకోవడం ప్రారంభించండి. ఇవి వాటి లక్షణాలతో నొప్పులను నయం చేస్తాయి.

యోగ, ధ్యానం : యోగా, ధ్యానం ఒత్తిడి నిర్వహణలో సహాయపడుతాయి. జాయింట్ మొబిలిటీని పెంచే నిర్దిష్ట యోగా భంగిమలు, సున్నితమైన సాగతీతలు, ప్రయోజనకరంగా ఉంటాయి. కీళ్లనొప్పులను తొలగిస్తాయి.