మొదట టెస్టు సిరీస్‌ తరువాత వన్డే సిరీస్‌ను గెలుచుకున్న టీమిండియా.. రెట్టించిన ఉత్సహంతో టీ20 సిరీస్‌లోనూ వెస్టిండీస్‌తో చీల్చిచెండాడటానికి భారత్‌ సిద్ధమైంది. మూడు t20 మ్యాచ్‌ల సిరీస్‌లో భాగంగా ఆదివారమిక్కడి ఈడెన్‌ గార్డెన్స్‌లో రెండు జట్ల మధ్య తొలి టీ-20 మ్యాచ్‌ ప్రారంభమైంది. ఈ మ్యాచ్‌లో టాస్‌ గెలిచిన టీమిండియా కెప్టెన్‌ రోహిత్‌ శర్మ.. ఫీల్డింగ్‌ ఎంచుకున్నారు. బ్యాటింగుకు దిగిన విండీస్ జట్టు 15 ఓవర్లలో 7 వికెట్లు కోల్పోయి.. 63 పరుగులు చేసి కష్టాల్లో పడింది. క్రీజులో అలెన్, పాల్ ఉన్నారు. కాగా గాయం కారణంగా హార్ధిక్‌ పాండ్యా మ్యాచ్‌కు దూరం కావడంతో అతని సోదరుడు కృనాల్‌కు అవకాశం దక్కింది. ఈ మ్యాచ్‌ ద్వారా కృనాల్‌ ఇంటర్నేషనల్‌ క్రికెట్‌లోకి అడుగు పెట్టాడు.