TS News: సెప్టెంబర్‌ 17న ‘హైదరాబాద్ లిబరేషన్‌ డే’.. కేంద్రం ప్రభుత్వం గెజిట్ నోటిఫికేషన్
TS News: సెప్టెంబర్‌ 17న అధికారిక కార్యక్రమాలు నిర్వహించాలన్న కేంద్రం
TS News: సెప్టెంబర్‌ 17న ‘హైదరాబాద్ లిబరేషన్‌ డే’.. కేంద్రం ప్రభుత్వం గెజిట్ నోటిఫికేషన్
TS News: నిజాం రాజుపై సైనిక చర్య చేపట్టి హైదరాబాద్ సంస్థానాన్ని భారతదేశంలో కలిపిన రోజైన సెప్టెంబర్‌ 17కు సంబంధించి కేంద్ర ప్రభుత్వం కీలక నిర్ణయం తీసుకుంది. ఏటా సెప్టెంబర్‌ 17న హైదరాబాద్ లిబరేషన్‌ డే నిర్వహించాలని పేర్కొంది. ఈ మేరకు కేంద్ర హోం శాఖ గెజిట్ నోటిఫికేషన్ జారీ చేసింది. హైదరాబాద్ లిబరేషన్‌ డేను పురస్కరించుకుని ఆ రోజు అధికారిక కార్యక్రమాలు నిర్వహించాలని గెజిట్‌లో తెలిపింది.
భారతదేశం స్వాతంత్య్రం పొందాక హైదరాబాద్ సంస్థానం 13 నెలలపాటు నిజాంల పరిపాలనలోనే ఉంది. 1948 సెప్టెంబర్‌ 17న పోలీస్‌ చర్యతో ఈ ప్రాంతం భారత్‌లో విలీనమైంది. సెప్టెంబర్‌ 17న హైదరాబాద్ విమోచన దినం నిర్వహించాలని ప్రజలు డిమాండ్‌ చేస్తున్నారు. హైదరాబాద్‌కు విముక్తి కల్పించిన అమరవీరులను స్మరించుకోవడానికి, యువతలో దేశభక్తి నింపడానికి సెప్టెంబర్‌ 17న హైదరాబాద్ లిబరేషన్‌ డే నిర్వహించాలని కేంద్ర ప్రభుత్వం నిర్ణయం తీసుకుంది