Bhadradri Kothagudem: మూడు నెలల చిన్నారిని బలిగొన్న భూతవైద్యులు

Bhadradri Kothagudem: మూడు నెలల శిశువు.. గుక్కతిప్పుకోకుండా ఏడుస్తుంటే వైద్యం చేయించాల్సిన తల్లిదండ్రులు, ఓ భూతవైద్యుడి దగ్గరికి తీసుకెళ్లారు. అతడేమో కడుపునొప్పితోనే శిశువు ఏడుస్తున్నాడని, తాను తగ్గిస్తానని చెప్పి చిన్నారి బొడ్డు చుట్టూ కొరికాడు. పంటి తీవ్రతకు లోపల చిన్నపేగు తెగిపోవడంతో ఆ బిడ్డ మృతిచెందింది. భద్రాద్రి కొత్తగూడెం జిల్లా కరకగూడెం మండలం వలస ఆదివాసీ గ్రామమైన అశ్వాపురపుపాడులో ఈ ఘటన జరిగింది.