నేడు తెలంగాణ ఇంటర్ ఫలితాలు విడుదల

TS Inter Results: తెలంగాణలో ఇంటర్మీడియట్‌ పరీక్షల ఫలితాలు బుధవారం విడుదల కానున్నాయి. ఏప్రిల్‌ 24న ఉదయం 11 గంటలకు ప్రథమ, ద్వితీయ ఇంటర్‌ ఫలితాలను ఒకేసారి విడుదల చేయనున్నారు. ఈ ఫలితాలను నాంపల్లిలోని ఇంటర్‌ బోర్డు కార్యాలయంలో విద్యాశాఖ ముఖ్య కార్యదర్శి బుర్రా వెంకటేశం, బోర్డు కార్యదర్శి శృతి ఓజా విడుదల చేస్తారు. ఫిబ్రవరి 28 నుంచి మార్చి 19 వరకు జరిగిన ఇంటర్‌ పరీక్షలను రాష్ట్రవ్యాప్తంగా 9,80,978 మంది విద్యార్థులు రాశారు.