MLC Kavitha: బాండ్ల పేరుతో కాంగ్రెస్‌ నేతలు మోసం చేస్తున్నారు

MLC Kavitha: బాండ్ల పేరుతో కాంగ్రెస్ నేతలు మోసం చేస్తున్నారని విమర్శించారు ఎమ్మెల్సీ కల్వకుంట్ల కవిత. ‎ఆర్నెళ్ల కిందట కర్ణాటకలో కూడా బాండ్ పేపర్లు రాసిచ్చారని గుర్తుచేశారు. తెలంగాణ ప్రజలు కాంగ్రెస్ ను నమ్మే పరిస్థితి లేకపోవడంతోనే ఇక్కడ కూడా బాండ్ పేపర్లు పంచుతున్నారని చురకలు అంటించారు. రాజస్థాన్ , ఛత్తీస్ గఢ్ లో నిరుద్యోగం భారీగా పెరిగిపోయిందని ఆరోపించారు. మధ్యప్రదేశ్ లో కాంగ్రెస్ , బీజేపీ కలిసి ఐదేళ్లలో ఇచ్చింది కేవలం 21 ఉద్యోగాలేనన్నారు. తెలంగాణలో 10ఏళ్లలో 2లక్షల 32 వేల ప్రభుత్వ ఉద్యోగాలు ఇచ్చామని స్పష్టం చేశారు ఎమ్మెల్సీ కవిత.