Telangana: నేడు ప్రగతిభవన్‌లో డిస్కంలపై సీఎం సమీక్ష

Telangana: ఇవాళ ప్రగతి భవన్‌లో డిస్కంలపై సీఎం కేసీఆర్‌ సమీక్ష నిర్వహించనున్నారు. ఈ సందర్భంగా విద్యుత్ చట్టంపై కేంద్రమంత్రితో జరిగిన వీడియో కాన్ఫరెన్స్ సారాంశాన్ని సీఎంకు వివరించనున్నారు సీఎండీలు. మరోవైపు ఈ నెల 28న యాదాద్రికి వెళ్లనున్నారు సీఎం కేసీఆర్. శ్రీలక్ష్మీ నరసింహస్వామి దేవస్థానాన్ని సందర్శించనున్నారు. ఆలయ పనులను పరిశీలించి ఎప్పటివరకు పూర్తవుతాయనే విషయంపై ఆరా తీయనున్నారు. అనంతరం చినజీయర్‌ స్వామిని కలసి ఆలయ పునఃప్రారంభం తేదీని ఖరారు చేసే ఛాన్స్‌ ఉన్నట్టు తెలుస్తోంది.