Chandrababu: కష్టం వచ్చిన ప్రతీసారి శ్రీ వారిని తలచుకుంటా

Chandrababu: తిరుమల శ్రీవారిని టీడీపీ అధినేత చంద్రబాబు నాయుడు దర్శించుకున్నారు. ఆలయంలో ప్రత్యేక పూజలు నిర్వహించి మొక్కులు చెల్లించుకున్నారు. అనంతరం ఆలయ అర్చకులు ఆశీర్వచనాలు అందించి తీర్థ ప్రసాదాలు అందజేసారు. స్కిల్ డెవలప్మెంట్ స్కాంలో నారా చంద్రబాబు నాయుడు బెయిల్‌ పొందిన తర్వాత మొదటి సారి వేంకటేశ్వర స్వామి వారినిని ఆయన దర్శించున్నారు.

తనకు కష్టం వచ్చిన ప్రతీసారి శ్రీ వేంకటేశ్వర స్వామి వారిని తలచుకుంటానని.. కష్టం తీరిన వేంటనే ఆయన ఆశీర్వాచనాల కోసం వస్తానని చంద్రబాబు అన్నారు. శ్రీవారిని దర్శించుకున్న తర్వాతే ఏ పనికైనా శ్రీకారం చుడతానని చెప్పారు. 11.30 కి రేణిగుంట విమానాశ్రయం నుంచి బయలుదేరి మధ్యాహ్నం ఒంటి గంటకు తాడేపల్లిలోని స్వగృహంకు చంద్రబాబు చేరుకుంటారు.