Viral Video: అన్న ఆయుష్షు బలంగా ఉన్నట్లుంది.. పెద్ద ప్రమాదం జరిగినా..

Viral Video: ప్రమాదం ఎప్పుడు ఎలా దూసుకొస్తుందో తెలియదు. అయితే ఆయుష్షు బాగుంటే ఎంతటి ప్రమాదమైనా మనల్ని ఏం చేయదు. అదే అదృష్టం బాగా లేకపోతే అరటి పండు తిన్నా పన్ను విరుగుతుంది. అనే సామెత ఉండనే ఉంది. నిజంగా రాసి పెట్టుంటే ఎంతటి ప్రమాదం నుంచైనా బయటపడొచ్చు. ఎన్నో సంఘటనలు దీనికి ప్రత్యక్ష సాక్ష్యంగా నిలుస్తుంటాయి. తాజాగా సోషల్‌ మీడియాలో వైరల్‌ అవుతోన్న ఓ వీడియో చూస్తే మీరూ ఇదే అంటారు. అన్న ఆయుష్షు బలంగా ఉందని కచ్చితంగా చెప్తారు.

వివరాల్లోకి వెళితే.. ఓ వ్యక్తి ఎంచక్కా స్కూటీపై రయ్యిమంటూ దూసుకుపోతున్నాడు. అదే సమయంలో మధ్య డివైడర్‌ ఉంది. అయితే ఆ విషయాన్ని గమనించని ఆ యువకుడు వేగంగా డివైడర్‌పైకి ఎక్కించేశాడు. దీంతో ఒక్కసారిగా స్కూటీ గాల్లోకి ఎగిరింది. ఎదురుగా వస్తున్న వాహనాన్ని ఢీకొట్టింది. దీంతో ఆ యువకుడు చంగున ఎగిరి ఆ వాహనం అద్దంపై పడ్డాడు. అయితే అప్పటికే ఎదురుగా వస్తున్న వాహనం పూర్తిగా ఆగిపోవడంతో మనోడు ప్రాణాలతో బయటపడ్డాడు.

వాహనం ఏమాత్రం వేగంలో ఉన్నా పరిస్థితి మరో రకంగా ఉండేది. ఇదిలా ఉంటే ఈ ఘటనంతా అక్కడ ఏర్పాటు చేసిన ఓ సీసీ టీవీ కెమెరాలో రికార్డ్‌ అయ్యింది. దీంతో ఈ వీడియోను సోషల్‌ మీడియాలో పోస్ట్‌ చేయగా ప్రస్తుతం వీడియో తెగ వైరల్‌ అవుతోంది. రెప్పపాటులో ప్రాణాలతో బయటపడ్డాడు అంటూ నెటిజన్లు కామెంట్స్‌ చేస్తున్నారు. ఇక మరికొందరు స్పందిస్తూ.. అతడికి ఎక్కడో రాసి పెట్టి ఉంది. అందుకే అంత ప్రమాదం జరిగినా బచాయించాడు అంటూ స్పందిస్తున్నారు. మొత్తం మీద ఇప్పుడీ వీడియో సోషల్‌ మీడియాను షేక్‌ చేస్తోంది. అదృష్టం ఉంటే ఎంతటి ప్రమాదమైన ఏం చేయదు అనేందుకు ఇదే బెస్ట్‌ ఎగ్జాంపుల్‌గా చెప్పొచ్చు.