చెన్నై రోడ్డు ప్రమాదంలో టీవీ నటుడు మనో మృతి

ప్రముఖ  మిమిక్రీ ఆర్టిస్ట్, టీవీ నటుడు మనో రోడ్డు ప్రమాదంలో మృతి చెందగా అతని భార్య తీవ్రగాయాలపాయ్యారు. పోలీసులు తెలిపిన వివరాల ప్రకారం, కరత్తూరులోని బాబానగర్ కు చెందిన మనో (37), అతని భార్య లివియా (26) సోమవారం మధ్యాహ్నం గుడువాంచెరీలోని స్నేహితుడి ఇంటికి వెళ్లారు.

అర్థరాత్రి ఇంటికి తిరిగి వెళుతుండగా, వారు ప్రయాణిస్తున్న కారు అదుపుతప్పి రోడ్డుపై ఉన్న డివైడర్ ను డీ కొట్టింది. దీంతో మనో అక్కడికక్కడే మృతి చెందగా, అతని భార్య తీవ్ర గాయాలపాలైంది. సమాచారం అందుకున్న పోలీసులు సంఘటన స్థలానికి చేరుకుని లివియాను అవడి ప్రభుత్వ ఆసుపత్రికి తరలించారు. ప్రథమ చికిత్స తర్వాత ఆమెను అంబత్తూరులోని ఒక ప్రైవేట్ ఆసుపత్రికి తరలించారు. మనో మృతదేహాన్ని పోస్టుమార్టం కోసం ప్రైవేట్ ఆసుపత్రికి తరలించారు. ఈ సంఘటనపై పోలీసులు కేసు నమోదు చేసి దర్యాప్తు చేస్తున్నారు.