రైల్వే ప్రకటన :సెప్టెంబర్ 12 నుండి ప్రత్యేక రైళ్లు నడుస్తాయి

సెప్టెంబర్ 12 నుండి 80 (40 డబుల్) కొత్త స్పెషల్ రైళ్లను నడుపుతున్నట్లు రైల్వే ప్రకటించింది. దీనికి రిజర్వేషన్లు సెప్టెంబర్ 10 నుండి ప్రారంభమవుతాయని ప్రకటించింది. ఈ మేరకు రైల్వే బోర్డు చైర్మన్ వినోద్ కుమార్ యాదవ్ శనివారం ఈ సమాచారం ఇచ్చారు. రైల్వే మంత్రిత్వ శాఖ ఇంతకుముందు అనేక శ్రామిక్ స్పెషల్ రైలు సర్వీసులతో పాటు ఐఆర్సిటిసి ప్రత్యేక రైలు సేవలను ప్రవేశపెట్టింది. కరోనా మహమ్మారి కారణంగా ప్రస్తుతం అన్ని ప్యాసింజర్ రైలు సర్వీసులను నిలిపివేశారు. ప్రస్తుతం దేశంలో 230 ప్రత్యేక రైళ్లు నడుస్తున్నాయి.

రాబోయే రోజుల్లో మరో 100 రైళ్లను నడపాలని రైల్వే యోచిస్తోంది, అన్లాక్-4 మార్గదర్శకం విడుదలైన మూడు రోజుల తరువాత , రాబోయే రోజుల్లో మరో 100 రైళ్లను నడిపే ప్రణాళికతో రైల్వే పనిచేస్తోందని భారత రైల్వే తెలిపింది. కరోనావైరస్ లాక్డౌన్ కారణంగా మార్చి 25 నుండి అన్ని ప్యాసింజర్, మెయిల్ , ఎక్స్‌ప్రెస్ రైలు సేవలను రైల్వే రద్దు చేసింది. మే 1 నుంచి కార్మికుల కోసం రైల్వే ష్రామిక్ స్పెషల్ రైళ్లను నడిపింది. వీటి ద్వారా దేశవ్యాప్తంగా ఉన్న కార్మికులను వారి ఇళ్లకు తీసుకువచ్చారు. ఇందుకు కేంద్ర ప్రభుత్వం 85 శాతం ఖర్చును భరిస్తే.. వివిధ రాష్ట్రాలు 15 శాతం ఖర్చులను చెల్లించాయి.