ఎమ్మెల్యేను చితకబాదిన గ్రామస్తులు...!

MLA Kumara Swamy: కర్ణాటక చిక్కమగళూరులో గ్రామస్తులు ఓ ఎమ్మెల్యేను చితకబాదారు. ఏనుగుల దాడిలో గ్రామానికి చెందిన ఓ మహిళ మృతిచెందింది. అయితే బాధిత కుటుంబాన్ని పరామర్శించేందుకు వెళ్లిన ఎమ్మెల్యే కుమారస్వామిపై గ్రామస్తులు మండిపడ్డారు. ఘటనపై ఆలస్యంగా స్పందించారంటూ ఆగ్రహంతో ఎమ్మెల్యేను తరిమితరిమి కొట్టారు. అక్కడే ఉన్న పోలీసులు అతికష్టం మీద ఎమ్మెల్యే కుమారస్వామిని అక్కడి నుంచి తరలించారు. ఈ ఘటనలో ఎమ్మెల్యేకు స్వల్ప గాయాలయ్యాయి. ఎమ్మెల్యే చొక్కాను కూడా చింపివేశారు. మరోవైపు ఏనుగుల దాడిలో ఇప్పటికే పలువురు మృతిచెందారని గ్రామస్తులు ఆగ్రహం వ్యక్తం చేస్తున్నారు.