Kerala: త్రిస్సూర్ లో పుట్ పాత్ పై దూసుకెళ్లిన లారీ: ఐదుగురి మృతి

Kerala: కేరళ త్రిస్సూర్ లో పుట్ పాత్ పై నిద్రిస్తున్న ఐదుగురిని లారీ ఢీకొట్టింది. ఈ ప్రమాదంలో ఐదుగురు అక్కడికక్కడే మరణించారు. మరో ఏడుగురు తీవ్రంగా గాయపడ్డారు. మృతులు తమిళనాడువాసులుగా గుర్తించారు. మృతుల్లో ఇద్దరు చిన్నారులు కూడా ఉన్నారు. మృతులను జీవన్ (4), కలియప్పన్ (50), నాగమ్మ (39), బంగాజీ (20) లుగా గుర్తించారు. మరో చిన్నారిని గుర్తించాల్సి ఉంది.

ఈ ఘటనలో గాయపడిన ఏడుగురిని మెడికల్ కాలేజీకి తరలించి చికిత్స అందిస్తున్నారు. మంగళవారం ఉదయం తెల్లవారుజామున నాలుగు గంటల సమయంలో ఈ ప్రమాదం జరిగింది. ప్రమాదం జరిగిన సమయంలో లారీని క్లీనర్ నడిపినట్టుగా వాలప్పుడి పోలీసులు అనుమానిస్తున్నారు. ఆ సమయంలో నిందితుడు మద్యం సేవించి ఉన్నారని పోలీసులు చెప్పారు.