BJP: ఇవాళ బీజేపీ కేంద్ర ఎన్నికల కమిటీ భేటీ.. రాబోయే 5 రాష్ట్రాల అసెంబ్లీ ఎన్నికలపై చర్చ

BJP: ఇవాళ బీజేపీ కేంద్ర ఎన్నికల కమిటీ భేటీ కానుంది. సాయంత్రం 5 గంటలకు బీజేపీ కేంద్ర కార్యాలయంలో జరగనున్న సమావేశానికి ప్రధాని మోడీ, కేంద్ర హోంమంత్రి అమిత్‌ షా, పార్టీ చీఫ్‌ జేపీ నడ్డా, కేంద్ర రక్షణశాఖ మంత్రి రాజ్‌నాథ్‌సింగ్‌తో పాటు ఇతర సీనియర్‌ నాయకులు హాజరుకానున్నారు. రాబోయే 5 రాష్ట్రాల అసెంబ్లీ ఎన్నికలపై ఈ సమావేశంలో చర్చించనున్నారు. అలాగే.. ఎన్నికలు జరిగే రాష్ట్రాల్లో బీజేపీ అభ్యర్థుల ఎంపికపై చర్చించే అవకాశం ఉన్నట్టు తెలుస్తోంది. 2024 లోక్‌సభ ఎన్నికలకు సన్నాహాలను చర్చించే లక్ష్యంతో ఈ భేటీ జరగనుంది.