West Bengal: బెంగాల్‌లోని బరుయ్‌పూర్ పోలీస్ స్టేషన్‌లో అగ్నిప్రమాదం

West Bengal: పశ్చిమ బెంగాల్ బరుయ్‌పూర్‌లోని పోలీస్ స్టేషన్‌లో భారీ అగ్ని ప్రమాదం జరిగింది. స్టేషన్ లోపల పలు పోలీసు వాహనాలు కాలి బూడిదయ్యాయి. బరుయ్ పూర్ చంపాహతి ఖరాల్ లోని అక్రమ బెట్టింగ్ ఫ్యాక్టరీపై పోలీసులు దాడి చేశారు. ఈ దాడుల్లో బజీర్ మసాలా, రసాయనిక పేలుడు పదార్థాలు స్వాధీనపర్చుకున్నారు. వీటిని స్టేషన్ లోని గోడౌన్ లో భద్రపరిచారు. ఈ క్రమంలో గోడౌన్ లోని డ్రమ్ నుంచి పేలుడు సంభవించింది. ఆ తర్వాత మంటలు ఉవ్వెత్తున ఎగిసిపడ్డాయి. అగ్నిమాపక సిబ్బంది వచ్చే లోపే పోలీస్ కార్లు, మోటారు సైకిళ్లు దగ్ధమయ్యాయి. అయితే ఈ పేలుడు ఎలా జరిగిందన్న కోణంలో ఉన్నతాధికారులు విచారణ జరుపుతున్నారు.