Bihar: హాజీపూర్‌లో ఘోర ప్రమాదం..DJ ట్రాలీకి కరెంట్ షాక్..9మంది శివభక్తులు మృతి

Bihar:బీహార్‌లోని హాజీపూర్‌లో ఘోర ప్రమాదం జరిగింది. కన్వారియాలను తీసుకువెళుతున్న డీజే ట్రాలీకి విద్యుదాఘాతం తగిలి 9 మంది కన్వారియాలు మరణించారు. విద్యుత్ షాక్‌తో దాదాపు అరడజను మందికి తీవ్రగాయాలయ్యాయి. క్షతగాత్రులను సదర్ ఆసుపత్రిలో చేర్చారు.ఈ ఘటన హాజీపూర్‌లోని ఇండస్ట్రియల్ పోలీస్ స్టేషన్ పరిధిలోని సుల్తాన్‌పూర్ గ్రామంలో చోటుచేసుకుంది. ఘటన గురించి సమాచారం అందిన వెంటనే పోలీసులు అక్కడి చేరుకున్నారు. గాయపడిన వారిని ఆసుపత్రికి తరలించారు. వైశాలి జిల్లాలోని హాజీపూర్-ఇండస్ట్రియల్ పోలీస్ స్టేషన్ పరిధిలోని సుల్తాన్‌పూర్ గ్రామంలో రాత్రి 11:00 గంటలకు శివభక్తులు  గ్రామం నుండి ఊరేగింపుగా బయలుదేరారు.  డిజే సౌండ్ తో వెళ్తున్న  సమయంలో డిజే ట్రాక్టర్ ట్రాలీకి  హైటెన్షన్ వైర్లు తగలడంతో ఈ ఘోర ప్రమాదం జరిగింది.ఈ ప్రమాదంలో తొమ్మిది మంది కన్వారియాలు మరణించగా ఆరుగురు తీవ్రంగా గాయపడ్డారు. పోలీసులు, స్థానికుల సహాయంతో క్షతగాత్రులందరినీ హాజీపూర్ లోని సదర్ ఆసుపత్రికి తరలించారు