Game Changer Day 1 Collections: రికార్డులు అనుకుంటే సీన్ రివర్స్.. గేమ్ ఛేంజర్ ఫస్డ్ డే కలెక్షన్స్ ఎంతో తెలుసా?

Game Changer Day 1 Collections: రామ్ చరణ్ గేమ్ ఛేంజర్ సినిమా తొలి రోజే బాక్సాఫీస్ వద్ద నిరాశపరిచింది. ప్రపంచవ్యాప్తంగా శుక్రవారం ఈ సినిమా 51 కోట్ల కలెక్షన్లు రాబట్టినట్లు సమాచారం. తెలుగు వర్షన్ అత్యధికంగా 42 కోట్ల కలెక్షన్లు దక్కించుకున్నట్లు తెలుస్తోంది.

రామ్ చరణ్, శంకర్ కాంబోలో తెరకెక్కిన ఈ మూవీ మొదటి రోజు బాక్సాఫీస్ వద్ద రికార్డులు క్రియేట్ చేయడం ఖాయమని ట్రేడ్ వర్గాలు భావించాయి, పుష్ప 2 తోపాటు పలు సినిమాల రికార్డులను గేమ్ ఛేంజర్ బ్రేక్ చేస్తుందా?లేదా? అని ఫ్యాన్స్ ఆసక్తిగా ఎదురు చూశారు. కానీ తొలిరోజే మూవీ పై దారుణంగా నెగెటివ్ టాక్ రావడంతో ఆ ఎఫెక్టివ్ కలెక్షన్ల పై భారీగానే పడింది. మొదటిరోజు ప్రపంచవ్యాప్తంగా గేమ్ ఛేంజర్ మూవీకి కేవలం రూ. 51 కోట్ల వరకు కలెక్షన్లు మాత్రమే రాబడినట్లు సమాచారం.

మొదటి రోజు గేమ్ ఛేంజర్ తెలుగు వెర్షన్ అత్యధికంగా 42 కోట్ల కలెక్షన్స్ సొంతం చేసుకున్నట్లు తెలుస్తోంది. హిందీ వర్షన్ కు 7 కోట్లు, తమిళ వర్షన్ కు 2 కోట్లు కలెక్షన్స్ వచ్చినట్లు తెలుస్తోంది. కన్నడ, మలయాళంలో గేమ్ ఛేంజర్ మూవీ దారుణంగా నిరాశపరిచింది. రెండు భాషల్లో కలిపి ఈ సినిమాకు లక్ష నుంచి రెండు లక్షల లోపే వసూళ్లు దక్కించుకున్నట్లు చెబుతున్నారు. రెండో రోజు వసూళ్లూ మరింత తగ్గే అవకాశం ఉన్నట్లు సమాచారం.

రామ్ చరణ్, శంకర్ కాంబోకున్న క్రేజ్ కారణంగా మొదటి రోజు రూ. 100 కోట్లనుంచి రూ. 120 కోట్ల వరకు గేమ్ ఛేంజర్ కలెక్షన్లు రాబడుతుందని ట్రేడ్ వర్గాలు అంచనా వేశాయి. అయితే అందులో సగం కూడా ఈ సినిమా వసూళ్లను రాబట్ట లేకపోయింది. రామ్ చరణ్ లాస్ట్ సినిమా ఆర్ఆర్ఆర్ తొలి రోజు వరల్డ్ వైడ్ గా ఏకంగా రూ. 223 కోట్లు వసూళ్లను దక్కించుకుంది. ఆ సినిమాకు గేమ్ చేంజర్ ఏమాత్రం పోటీ ఇవ్వలేకపోయింది. శంకర్ గత సినిమా ఇండియన్ 2 కూడా మొదటి రోజు రూ. 50 కోట్ల వరకు కలెక్షన్స్ సాధించింది. గేమ్ ఛేంజర్ కూడా అదే స్థాయిలో వసూళ్లను రాబట్టడం ఫ్యాన్స్ కు షాకింగ్ గా మారింది. వరల్డ్ వైడ్ గా 225 కోట్ల బ్రేక్ ఈవెంట్ టార్గెట్తో గేమ్ ఛేంజర్ మూవీ విడుదలైంది. తొలి రోజు కలెక్షన్స్ తో ఈ సినిమా బ్రేక్ ఈవెన్ సాధిస్తుందా లేదా అనేది అనుమానంగా మారింది.

అయితే పొలిటికల్ యాక్షన్ ఎంటర్ టైనర్ గా దర్శకుడు శంకర్ గేమ్ ఛేంజర్ మూవీని తెరకెక్కించాడు. శంకర్ మార్కు స్క్రీన్ ప్లే పై మిస్ అవ్వడం సినిమాకు మైనస్ గా మారింది. శంకర్ టేకింగ్ పై దారుణంగా విమర్శలు వస్తున్నాయి.