అయన గురించి కామెంట్ చేసేంత స్థాయి నాకు లేదు : అదిరే అభి

తెలుగు బుల్లితెర ప్రేక్షకులను ఆకట్టుకున్న షో 'జబర్దస్త్' .. ఈ షో ద్వారా చాలా మంది కమెడియన్లు తెలుగు చిత్ర్ర పరిశ్రమకి పరిచయం అయ్యారు. ఈ షోకి ఉన్నంత రేటింగ్ కూడా మరో షోకి లేకపోవడం విశేషం.. జబర్దస్త్ బాగా క్లిక్ కావడంతో ఎక్స్ ట్రా జబర్దస్త్ ను కూడా స్టార్ట్ చేశారు షో నిర్వహకులు..అది కూడా బాగానే క్లిక్ అయింది.

అయితే ఈ షో నుండి జడ్జిలలో ఒకరైనా నాగబాబు బయటకు వెళ్ళారని గత కొద్దిరోజుల నుండి వార్తలు వస్తున్న సంగతి తెలిసిందే..అయనతో పాటు మరికొందరు కమెడియన్లు, యాంకర్ అనసూయ కూడా బయటకు వచ్చారని ప్రచారం సాగింది. ఈ నేపధ్యంలో జబర్దస్త్ నటుడు అదిరే అభి దీనిపైన క్లారిటీ ఇచ్చాడు. ఓ ప్రముఖ ఛానల్ కి ఇచ్చిన ఇంటర్వ్యూలో అభి కొన్ని ఆసక్తికరమైన విషయాలను చెప్పుకొచ్చాడు.

ఈ షోపై వస్తున్న వార్తలని ముందుగా  ఖండిచాడు అభి.. ఈ షో నుండి ఆది, అనసూయ వెళ్ళడం లేదని, వారు కొనసాగుతున్నట్లు స్పష్టతను ఇచ్చాడు. షో నుండి ఇద్దరు వెళ్ళినంత మాత్రనా జబర్దస్త్ ఆగిపోదని, ఎప్పటిలాగే కొనసాగుతుందని, టీఆర్పీ తీసుకొస్తుందని ధీమా వ్యక్తం చేశాడు.. ఇక షో నుండి బయటకు వెళ్ళిన నాగబాబు గురించి మాట్లాడలేనని అయన గురించి కామెంట్ చేసేంత స్థాయి నాకు లేదని అభి చెప్పుకొచ్చాడు.