NBK 109 Title Teaser: డాకు మహారాజ్‌గా బాలయ్య.. అదిరిపోయిన టీజర్..

Daaku Maharaaj: బాబీ దర్శకత్వంలో నందమూరి బాలకృష్ణ నటిస్తున్నమూవీ ఎన్‌బీకే 109 కి డాకు మహారాజ్ గా పేరు పెట్టారు. సితార ఎంటర్‌టైన్‌మెంట్ పతాకంపై నాగవంశీ ఈ సినిమాను నిర్మిస్తున్నారు. తాజాగా చిత్రబృందం ఈ మూవీ టీజర్‌ను రిలీజ్ చేసింది.

తన నట విశ్వరూపంతో ఐదు దశాబ్దాలుగా బాలకృష్ణ ప్రేక్షకులను అలరిస్తున్నారు. భగవంత్ కేసరి తర్వాత బాలయ్య నుంచి వస్తున్న సినిమా కావడంతో ఈ మూవీపై భారీ అంచనాలున్నాయి. ఫ్యామిలీ ఎంటర్‌టైనర్‌గా రాబోతున్న ఈ సినిమాలో పొలిటికల్ బ్యాక్ డ్రాప్ నేపథ్యంలో సాగే ఫ్లాష్ బ్యాక్ ఉంటుందని టీజర్‌ను బట్టి అర్థమవుతుంది.

ఈ మూవీలో బాలయ్య మూడు విభిన్న కోణాల్లో కనిపిస్తాడని టాలీవుడ్ వర్గాలు చెబుతున్నాయి. అలాగే ముగ్గురు హీరోయిన్లు ఉన్న ఈమూవీలో ఊర్వశీ రౌతేలా కీలక పాత్రలో కనిపించబోతున్నట్టు సమాచారం. ఈ మూవీలో మలయాళ ఇండస్ట్రీకి చెందిన అగ్రనటుడు నటిస్తున్నట్టు తెలుస్తోంది.

96 సెకన్ల నిడివితో ఉన్న ఈ డాకు మహారాజ్ టీజర్ సినిమాపై మరింతగా అంచనాలను పెంచేస్తోంది. ఈ కథ వెలుగును పంచే దేవుళ్లది కాదు. చీకటిని శాసించే రాక్షసులది కాదు. ఆ రాక్షసులని ఆడించే రావణుడిది కాదు. ఈ కథ రాజ్యం లేకుండా యుద్ధం చేసిన ఒక రాజుది, గండ్ర గొడ్డలి పట్టిన యమధర్మరాజుది, మరణాన్ని వణికించిన మహారాజుది అంటూ డాకు మహారాజ్‌గా బాలకృష్ణను పరిచయం చేసిన తీరు అదిరిపోయింది. మునుపెన్నడూ చూడని సరికొత్త రూపంలో గుర్రంపై బాలకృష్ణ ఎంట్రీ ఇవ్వడం అభిమానులను ఆకట్టుకుంటోంది.

మొత్తానికి టీజర్ చూస్తుంటే, బాలయ్యతో మరో హ్యాట్రిక్ బ్లాక్ బస్టర్‌కి బాబీ శ్రీకారం చుట్టబోతున్నాడని అనిపిస్తోంది. ఈ భారీ యాక్షన్ ఎంటర్టైనర్‌ను సంక్రాంతి కానుకగా జనవరి 12న విడుదల చేస్తామని

అధికారికంగా ప్రకటించారు. బాలయ్యను కొత్త గెటప్ లో చూపించడంలో దర్శకుడు వంద శాతం సక్సెస్ అయ్యారు. టీజర్ కి మెయిన్ హైలెట్ తమన్ బ్యాక్ గ్రౌండ్ మ్యూజిక్, మరి ఈ టీజర్ చూశాక వచ్చే సంక్రాంతికి బాలకృష్ణ అభిమానులకు పెద్ద పండగే అని ఫిక్స్ అవ్వాల్సిందే.