Yamudu: యముడు ఫస్ట్ లుక్ రిలీజ్
Yamudu: జగదీష్ ఆమంచి హీరోగా నటిస్తూ స్వీయ దర్శకత్వంలో నిర్మిస్తున్న చిత్రం ‘యముడు’.
Yamudu: యముడు ఫస్ట్ లుక్ రిలీజ్
Yamudu: జగదీష్ ఆమంచి హీరోగా నటిస్తూ స్వీయ దర్శకత్వంలో నిర్మిస్తున్న చిత్రం ‘యముడు’. ‘ధర్మో రక్షతి రక్షితః’ అనేది ఉపశీర్షిక. శ్రావణిశెట్టి కథానాయిక. షూటింగ్‌ పూర్తి చేసుకున్న ఈ చిత్రం ప్రస్తుతం పోస్ట్‌ప్రొడక్షన్‌ దశలో ఉంది. డిసెంబర్‌లో సినిమాను విడుదల చేయడానికి సన్నాహాలు చేస్తున్నారు. ప్రమోషన్‌లో భాగంగా ఈ సినిమా ఫస్ట్‌లుక్‌ని నిర్మాత రాజ్ కందుకూరి లాంచ్‌ చేసి, చిత్ర బృందానికి శుభాకాంక్షలు అందించారు.
ఫస్ట్ లుక్ విడుదల అనంతరం నిర్మాత రాజ్ కందుకూరి మాట్లాడుతూ.. ‘యముడు’ చిత్ర ఫస్ట్ లుక్ విడుదల చేయడం చాలా సంతోషంగా ఉంది. ఇప్పుడే కథ విన్నాను, చాలా ఇంట్రెస్టింగ్‌గా ఉంది. మంచి కథ, ప్రేక్షకులకి ఖచ్చితంగా నచ్చుతుంది. ఈ రోజుల్లో ప్రేక్షకులు చిన్న సినిమా, కొత్త సినిమా అని చూడటం లేదు. సినిమాలో కంటెంట్ బాగుంటే సూపర్ హిట్ చేస్తున్నారు. ఈ చిత్రాన్ని జగదీష్ ఆమంచి బాగా చేసుంటారు అని నమ్ముతున్నాను. ఈ సినిమా మంచి హిట్ కావాలని కోరుకుంటున్నానని అన్నారు.
ధర్మవిరుద్ధంగా బతుకుతూ సమాజ క్షామానికి కారకులైన వారికి గరుడపురాణం ప్రకారం యముడు శిక్షిస్తుంటాడు. అసలు యముడు ఎందుకు అలా చేస్తాడు? అనే ప్రశ్నకు సమధానమే ఈ సినిమా అని దర్శక, నిర్మాత, హీరో జగదీష్ ఆమంచి చెప్పారు.