Matka Twitter Review: మెగా హీరో హిట్‌ కొట్టాడా.? మట్కా ట్విట్టర్‌ రివ్యూ..

Matka X Review: వరుణ్‌ తేజ్‌ హీరోగా, కరుణ్‌ కుమార్ దర్శకత్వంలో తెరకెక్కిన చిత్రం మట్కా ప్రపంచవ్యాప్తంగా గురువారం ప్రేక్షకుల ముందుకు వచ్చింది. వరుణ్‌ తేజ్‌ ఈ సినిమాలో వైవిధ్యమైన పాత్రలో కనిపించాడు. ఓవర్‌సీస్‌లో ఇప్పటికే ప్రీమియర్స్ షోలు పడగా, తెలుగు రాష్ట్రాల్లోనూ మట్కా మార్నింగ్‌ షోలు పడ్డాయి. దీంతో సినిమా వీక్షించిన ప్రేక్షకులు తమ అభిప్రాయాన్ని ట్విట్టర్‌ వేదికగా పంచుకుంటున్నారు.

వీటి ప్రకారం మట్కా సినిమా బాగుందని అభిప్రాయాలు వస్తున్నాయి. మట్కా సినిమా చాలా బాగుందుని, మంచి కథతో సినిమాను తెరకెక్కించారని అంటున్నారు. ఇక ఫైట్ సీక్వెన్స్‌ చాలా బాగున్నాయని నెటిజన్లు ఎక్స్‌ వేదికగా పోస్టులు చేస్తున్నారు. పీరియాడిక్‌ డ్రామాగా తెరకెక్కిన ఈ సినిమాను రతన్‌ ఖేత్రి అనే మట్కా జూదగాని జీవిత కథ ఆధారంగా తెరకెక్కించినట్లు తెలుస్తోంది.

ఈ పాత్రలో వరుణ్‌ తనదైన మార్కును చూపించాడని ఫ్యాన్స్‌ అంటున్నారు. ముఖ్యంగా యాక్షన్‌ సన్నివేశాలతో పాటు సెంటిమెంట్, ఎమోషన్ సీన్స్‌ కూడా బాగున్నాయని ఎక్స్‌ వేదికగా పోస్టులు చేస్తున్నారు. వరుణ్‌ తేజ్‌ మంచి విజయాన్ని అందుకున్నాడని ఫ్యాన్స్‌ అంటున్నారు. సినిమా బ్లాక్‌బస్టర్‌ హిట్‌ అంటూ కామెంట్స్ చేస్తున్నారు. ట్విట్టర్ రివ్యూ పాజిటివ్‌గానే ఉంది. మరి ఫుల్‌ రివ్యూ ఎలా ఉంటుందో తెలియాలంటే మరికొన్ని గంటలు వేచి చూడాలి.

ఇదిలా ఉంటే మట్కా మూవీకి సంబంధించి వరుణ్‌ తేజ్‌ ఎక్స్‌ వేదికగా ఓ పోస్ట్‌ చేశాడు. కొన్ని నెలల కఠిన శ్రమ, అంకిత భావానికి ప్రతిరూపం ఈ సినిమా. మట్కా మూవీని ఎన్నో వ్యయప్రయాసాలకు ఓర్చి మీ ముందుకు తెచ్చాం. మేము అన్ని రకాలుగా మీరు ఎంజాయ్ చేసే విధంగా రూపొందించిన మీకు ఈ మూవీ నచ్చుతుందని భావిస్తున్నాను' అంటూ రాసుకొచ్చాడు.