Chala Bagundi: వామ్మో.. 'చాలా బాగుంది' హీరోయిన్‌ ఇలా మారిందేంటీ..?

Chala Bagundi: శ్రీకాంత్, నవీన్ లు హీరోలుగా ఇ.వి.వి.సత్యనారాయణ దర్శకత్వంలో తెరకెక్కిన చాలా బాగుంది సినిమా మంచి విజయాన్ని అందుకున్న విషయం తెలిసిందే. 2000 సంవత్సరంలో వచ్చిన ఈ సినిమా అప్పట్లో మంచి విజయాన్ని నమోదు చేసుకుంది. ఇ.వి.వి సత్య నారాయణ దర్శకత్వంలో వచ్చిన ఈ సినిమా ద్వారా తెలుగు ప్రేక్షకులకు పరిచయమైంది నటి మాళవిక.

తొలి సినిమాతోనే తన నటనతో ప్రేక్షకులను ఆకట్టుకుందీ బెంగళూరు బ్యూటీ. ఈ సినిమాలో నెగిటివ్‌ షేడ్స్‌ ఉన్న పాత్రలో నటించి మెప్పించింది. దీంతో ఆ తర్వాత ఈ బ్యూటీకి వరుస ఆఫర్లు వచ్చాయి. ఆ తర్వాత తెలుగులో వరుసగా ‘దీవించండి’ ‘అప్పారావు డ్రైవింగ్ స్కూల్’ ‘నవ్వుతూ బతకలిరా’ ‘చంద్రముఖి’ వంటి సినిమాల్లో నటించి మెప్పించింది.

ఇక తెలుగుతోపాటు తమిళ, కన్నడ, హిందీ, మలయాళం భాషల్లో కలిపి మొత్తం 40కిపైగా చిత్రాల్లో నటించింది. అయితే ఆ తర్వాత వివాహం చేసుకున్న ఈ బ్యూటీ సినిమాలకు దూరంగా ఉంటూ వస్తోంది. సినిమాకు దూరంగా ఉన్నా సోషల్‌ మీడియాలో మాత్రం యాక్టివ్‌గా ఉంటోంది. తన లేటెస్ట్‌ ఫొటోలను ఇన్‌స్టాగ్రామ్‌లో పంచుకుంటోంది. ఈ నేపథ్యంలోనే తాజాగా ఇన్‌స్టాగ్రామ్‌లో పోస్ట్‌ చేసిన కొన్ని ఫొటోలు వైరల్‌ అయ్యాయి. దీంతో ఈ బ్యూటీ ఇప్పటికీ అదే అందంతో ఉందని నెటిజన్లు కామెంట్స్ చేస్తున్నారు.