Devara: హాఫ్ సెంచరీ కొట్టిన దేవర..!

Devara 50 Days: ఎన్టీఆర్ నటించిన దేవర 50 రోజులు పూర్తి చేసుకుని బాక్సాఫీస్ దగ్గర సెన్సేషనల్ హిట్ గా నిలిచింది. ఇటీవల కాలంలో సినిమాలు థియేటర్లలో ఎక్కువ రోజులు ప్రదర్శనలకు నోచుకోవడంలేదు. కొన్ని వారాలకు మాత్రమే థియేటర్ లకు పరిమితం అవుతున్నాయి. కొన్ని భారీ బడ్జెట్ సినిమాలు తక్కువ రోజుల్లోనే భారీ కలెక్షన్స్ రాబట్టి వెళ్లిపోతున్నాయి. గతంలో ఒక్కో సినిమా 150 రోజులు, వంద రోజులు ఆడిందని వారి అభిమానులు గొప్పగా చెప్పుకునే వారు. కానీ ప్రస్తుతం ఆ పరిస్థితి లేదు.

ఈ క్రమంలో ఎన్టీఆర్ నటించిన దేవర థియేటర్లలో 50 రోజులు పూర్తి చేసుకుని రికార్డు నెలకొల్పింది. దేవర 52 సెంటర్లలో 50 రోజులు పూర్తి చేసుకోవడం విశేషం. దీంతో ఇప్పుడు దేవర ఫిఫ్టీ డేస్ సెలబ్రేషన్స్ జరుపుకుంటోంది. దీంతో అభిమానులు సంతోషం వ్యక్తం చేస్తున్నారు.

ఇక ఈ సినిమా బాక్సాఫీస్ దగ్గర భారీ వసూళ్లు రాబట్టింది. ఎన్టీఆర్ పర్ఫార్మెన్స్‌కి అనిరుధ్ రవిచందర్ మ్యూజిక్ తోడవడంతో థియేటర్లలో ఫ్యాన్స్ పూనకాలు తెప్పించాయి. ఈ సినిమాలో జాన్వీ కపూర్ హీరోయిన్ గా నటించగా సైఫ్ అలీ ఖాన్, శ్రీకాంత్, ప్రకాష్ రాజ్, అజయ్ తదితరులు ఇతర ముఖ్య పాత్రల్లో నటించారు. సెప్టెంబర్ 27న బాక్సాఫీసు ముందుకొచ్చిన దేవర ప్రస్తుతం నెట్ ఫ్లిక్స్ లో స్ట్రీమింగ్ అవుతోంది.