Sarkaru Vaari Paata Twitter Review: 'సర్కారు వారి పాట' టాక్‌ ఎలా ఉందంటే..

Sarkaru Vaari Paata Twitter Review: మ‌హేశ్ బాబు వంటి సూప‌ర్ స్టార్ సినిమా జ‌నం ముందుకు రాక రెండు సంవ‌త్సరాలు దాటిపోయింది. 2020లో సంక్రాంతి కానుక‌గా వ‌చ్చిన `స‌రిలేరు నీకెవ్వరు` త‌రువాత వ‌స్తున్న చిత్రం కాబ‌ట్టి మొద‌టి నుంచీ `స‌ర్కారువారి పాట‌` సినిమాపై అభిమానుల్లో చెప్పలేనంత ఆస‌క్తి ఉంది. ఇక ఈ మూవీ డైరెక్టర్ ప‌ర‌శురామ్ కూడా ఇంత‌కు ముందు తాను తెర‌కెక్కించిన `గీత గోవిందం`తో జ‌నాన్ని భ‌లేగా అల‌రించారు.

హీరోయిన్ కీర్తి సురేశ్ కూడా `మ‌హాన‌టి`తో జ‌నం మ‌దిని దోచింది. ఇక నిర్మాత‌ల విష‌యానికి వ‌స్తే 14 రీల్స్ మ‌హేశ్ తో తీసిన తొలి చిత్రం `దూకుడు`, మైత్రీ మూవీ మేక‌ర్స్ ఆయ‌న‌తో తెరెకెక్కించిన సినిమా `శ్రీ‌మంతుడు` బాక్సాఫీస్ ను షేక్ చేసేశాయి. ఇప్పుడు మ‌హేశ్ బాబుతో క‌లిసి మైత్రీ మూవీస్, 14 రీల్స్ `స‌ర్కారు వారి పాట‌`ను నిర్మించ‌డంతో మ‌రింత క్రేజ్ ల‌భించింది. ఇన్ని విధాల అంద‌రిలోనూ ఆస‌క్తిని క‌లిగిస్తూ `స‌ర్కారువారి పాట‌` ఇవాళ థియేటర్లలోకి వాలిపోయింది. మరి సినిమాకి ట్విట్టర్‌లో ఎలాంటి టాక్‌ వినిపిస్తుందనేది `ట్విట్టర్‌ టాక్‌`లో తెలుసుకుందాం.