Pakistan Train Driver Salary: పాకిస్థాన్‌ లోకో పైలట్‌ జీతం ఎంత? ఇండియన్‌ లోకో పైలట్‌తో పోల్చితే ఎక్కువా? తక్కువా?

Pakistan Train Driver Salary: పాకిస్తాన్‌లో రైలు హైజాక్ కేసు ప్రపంచవ్యాప్తంగా హాట్ టాపిగ్గా మారింది. పాకిస్తాన్ రైల్వే వ్యవస్థ గురించి కూడా ప్రశ్నలు తలెత్తుతున్నాయి. పాకిస్తాన్ రైలు డ్రైవర్ జీతం గురించి మాట్లాడుకుంటే, పాకిస్తాన్ ద్రవ్యోల్బణంతో పోలిస్తే వారి జీతం చాలా తక్కువ. భారత్ లోని ట్రైన్ డ్రైవర్ జీతంతో పోలిస్తే ఎంత ఉంటుందో చూద్దాం.

పాకిస్తాన్‌లోని బలూచిస్తాన్‌లో జాఫర్ ఎక్స్‌ప్రెస్ రైలు హైజాక్ అంశం వరల్డ్ వైడ్ గా హాట్ టాపిగ్గా మారింది. ఈ ఆపరేషన్ ముగిసిందని పాకిస్తాన్ అంటోంది. కానీ హైజాకర్లను నిర్వహించిన బలూచిస్తాన్ లిబరేషన్ ఆర్మీ (BLA) ఇప్పటికీ 154 మంది పాకిస్తాన్ ఆర్మీ సైనికులు తమ అదుపులో ఉన్నారని పేర్కొంది. భారతదేశం, పాకిస్తాన్ రైల్వే వ్యవస్థలకు సంబంధించిన ఒక ప్రత్యేక సిరీస్‌ గురించి ఇప్పుడు మనం తెలుసుకుందాం. పాకిస్తాన్, భారతదేశంలోని రైలు డ్రైవర్ల జీతం గురించి తెలుసుకుందాం.

పాకిస్తాన్‌లో రైలు డ్రైవర్ (లోకో పైలట్) జీతం గురించి మాట్లాడుకుంటే, భారతదేశంతో పోలిస్తే ఇది చాలా తక్కువ. మీడియా నివేదికల ప్రకారం, పాకిస్తాన్‌లో రైలు డ్రైవర్ జీతం 16,710 పాకిస్తానీ రూపాయలు (సుమారు 5202 రూపాయలు) నుండి 43,936 పాకిస్తానీ రూపాయలు (సుమారు 14 వేల రూపాయలు) వరకు ఉంటుంది. అయితే, ఇది కాకుండా వారికి అలవెన్సులు ఇతర రకాల సౌకర్యాలు కూడా లభిస్తాయి. 5 సంవత్సరాల సేవను అందించిన తర్వాత, ఇది 57 వేల పాకిస్తానీ రూపాయలకు కొంచెం ఎక్కువగా చేరుకుంటుంది.

ఓవర్ టైం, అలవెన్సుల కారణంగా, జీతం ఎప్పటికప్పుడు పెరుగుతూనే ఉంటుంది. పాకిస్తాన్ రైలు డైవర్లకు ప్రయాణ భత్యంతో పాటు వైద్య సౌకర్యాలు, పెన్షన్ కూడా లభిస్తాయి. మరోవైపు, పాకిస్తాన్ రైల్వే ఉద్యోగులు జీతాల పెంపు కోసం ఎప్పటికప్పుడు నిరసనలు చేస్తూనే ఉన్నారు. ద్రవ్యోల్బణంతో పోలిస్తే జీతం చాలా తక్కువ అని వారు అంటున్నారు.

భారతదేశంలో జీతం ఎంత?

భారతదేశంలో, రైల్వే ఉద్యోగులు కేంద్ర ప్రభుత్వం కిందకు వస్తారు. కేంద్ర ఉద్యోగులకు అందుబాటులో ఉన్న అన్ని సౌకర్యాలు రైల్వే ఉద్యోగులకు కూడా అందుబాటులో ఉన్నాయి. భారతదేశంలో లోకో పైలట్ జీతం పాకిస్తానీ రైలు డ్రైవర్ జీతం కంటే చాలా ఎక్కువ. భారతదేశంలో రైలు డ్రైవర్ ప్రారంభ జీతం రూ. 50-60 వేల నుండి ప్రారంభమవుతుంది. వారిని అసిస్టెంట్ లోకో పైలట్లు అంటారు.

అసిస్టెంట్ లోకో పైలట్ లోకో పైలట్ కావడానికి దాదాపు 10 సంవత్సరాలు పడుతుంది. ప్రభుత్వం సంవత్సరానికి రెండుసార్లు కరువు భత్యాన్ని పెంచుతుంది. జీతం పెరుగుతూనే ఉంటుంది. లోకో పైలట్ అయిన తర్వాత, అతని జీతం నెలకు దాదాపు లక్ష రూపాయలకు చేరుకుంటుంది. జీతంతో పాటు, రైలు డ్రైవర్‌కు వైద్య, ఇతర సౌకర్యాలు కూడా లభిస్తాయి.