Israel Hezbollah War: బేరూట్ పై ఇజ్రాయెల్ బాంబుల వర్షం..12 మంది మృతి..57 మందికి గాయాలు

Israel Hezbollah War: లెబనాన్‌లోని ఉగ్రవాద సంస్థ హిజ్బుల్లా స్థావరాలను ఇజ్రాయెల్ నిరంతరం లక్ష్యంగా చేసుకుంటోంది.తాజాగా ఇజ్రాయెల్ వైమానిక దళం బేరుట్ చుట్టుపక్కల ప్రాంతాల్లో వైమానిక దాడులు చేసింది. ఇజ్రాయెల్ జరిపిన ఈ వైమానిక దాడుల్లో 12 మందికి పైగా మరణించారు. లెబనాన్‌లోని అతిపెద్ద ప్రభుత్వ ఆసుపత్రి పూర్తిగా దెబ్బతిన్నదిదీనిపై లెబనాన్ ఆరోగ్య అధికారులు సమాచారం ఇచ్చారు.

ఇజ్రాయెల్ వైమానిక దాడుల్లో మరో 57 మంది గాయపడ్డారని లెబనాన్ ఆరోగ్య మంత్రిత్వ శాఖ తెలిపింది. దక్షిణ బేరుట్ శివార్లలోని రఫిక్ హరిరి యూనివర్శిటీ హాస్పిటల్ ముందు ఉన్న అనేక భవనాలు కూడా దాడిలో ధ్వంసమయ్యాయి. హిజ్బుల్లా కూడా సెంట్రల్ ఇజ్రాయెల్‌పై రాకెట్లను ప్రయోగించి ప్రతీకారం తీర్చుకుంది.

అయితే హిజ్బుల్లా చేసిన ఈ దాడుల వల్ల ఎలాంటి నష్టం జరగలేదు. గాజా కాల్పుల విరమణ చర్చలను పునఃప్రారంభించే లక్ష్యంతో అమెరికా విదేశాంగ మంత్రి ఆంథోనీ బ్లింకెన్ ఈ ప్రాంతానికి చేరుకోవడానికి కొన్ని గంటల ముందు ఈ దాడి జరిగింది. లెబనాన్ నుండి ఇజ్రాయెల్‌లోకి రాకెట్లు ప్రయోగించింది. వాటిలో ఎక్కువ భాగం వాయు రక్షణ వ్యవస్థ ద్వారా గాలిలోనే పేలిపోయినట్లు ఇజ్రాయెల్ సైన్యం తెలిపింది.

ఇజ్రాయెల్ ప్రధాన మంత్రి బెంజమిన్ నెతన్యాహు హమాస్‌ను అంతమొందిస్తామని.. టెర్రరిస్టు గ్రూపుచే బందీలుగా ఉన్న డజన్ల కొద్దీ ప్రజలను విడిపిస్తానని తెలిపిన సంగతి తెలిసిందే. ఈ సమయంలో శాశ్వత కాల్పుల విరమణ, గాజా నుండి ఇజ్రాయెల్ దళాలను పూర్తిగా ఉపసంహరించుకోవడం, పాలస్తీనా ఖైదీల విడుదలకు బదులుగా మాత్రమే బందీలను విడుదల చేస్తామని హమాస్ చెబుతోంది.

గత ఏడాది అక్టోబర్ 7న హమాస్ ఉగ్రవాదులు ఇజ్రాయెల్‌పై దాడి చేసిన సంగతి తెలిసిందే. ఈ ఉగ్రదాడిలో దాదాపు 1,200 మంది మరణించగా, 250 మంది గల్లంతయ్యారు. అప్పటి నుండి, ఇజ్రాయెల్ నిరంతరం హమాస్ స్థావరాలపై దాడి చేస్తోంది.

గాజాలో ఇజ్రాయెల్ ఎదురుదాడిలో 42,000 మందికి పైగా పాలస్తీనియన్లు మరణించారని స్థానిక ఆరోగ్య అధికారులు తెలిపారు. ఈ యుద్ధం గాజాలో చాలా వరకు ధ్వంసమైంది. 2.3 మిలియన్ల జనాభాలో దాదాపు 90 శాతం మందిని సురక్షిత ప్రాంతాలకు తరలించింది.