Erra Cheera: విడుదలకు సిద్ధమైన 'ఎర్రచీర'.. అధికారికంగా ప్రకటించిన చిత్ర యూనిట్‌

Erra Cheera: బేబి డమరి సమర్పణలో శ్రీ పద్మాయల ఎంటర్‌టైన్‌మెంట్స్, శ్రీ సుమన్ వెంకటాద్రి ప్రొడక్షన్స్ సంయుక్తంగా నిర్మించిన చిత్రం "ఎర్రచీర - ది బిగినింగ్". ఈ సినిమాలో నటుడు రాజేంద్రప్రసాద్ మనవరాలు బేబీ సాయి తేజస్విని నటిస్తోంది. ఈ సినిమా షూటింగ్ శరవేగంగా జరుగుతోంది. ఇప్పటికే ఈ సినిమాకు సంబంధించి విడుదలైన గ్గింప్స్‌ సినిమాపై అంచనాలు పెంచేసింది. సుమన్ బాబు ఈ సినిమాకు దర్శకత్వం వహించడంతో పాటు ఒక ముఖ్యమైన పాత్రను కూడా పోషిస్తుండడం విశేషం. ఈ చిత్రాన్ని తెలుగుతో పాటు తమిళ, మలయాళ, కన్నడ భాషల్లో విడుదల చేసేందుకు చిత్ర యూనిట్ సన్నాహాలు చేస్తోంది.

మదర్ సెంటిమెంట్, హార్రర్, యాక్షన్ కథతో ఈ సినిమాను తెరకెక్కించారు. సినిమా ప్రమోషన్స్‌లో వేగాన్ని పెంచిన చిత్ర యూనిట్‌ ఈ నెల 27వ తేదీన సినిమాను విడుదల చేద్దామని భావంచారు. అయితే తాజాగా ఈ సినిమా బిజినెస్ షో వేశారు మేకర్స్. బిజినెస్ షో చూసిన తర్వాత డిస్ట్రిబ్యూటర్లందరూ సినిమా అద్భుతంగా ఉందని సినిమా తీసుకునేందుకు ముందుకు వచ్చారు. అంతేకాక థియేటర్ రిలీజ్ ఇప్పుడు హడావుడిగా కాకుండా శివరాత్రి సీజన్ లో చేస్తే బాగుంటుందని సూచనలు చేశారు.

సినిమా కంటెంట్ కూడా డివోషనల్ టచ్ ఉన్న కంటెంట్ కావడంతో మేకర్స్ కూడా వారు చెప్పింది నిజమేనని భావించి సినిమా రిలీజ్ వాయిదా వేశారు. శివరాత్రి సందర్భంగా ఈ సినిమాని ఫిబ్రవరి 20వ తేదీన ప్రేక్షకుల ముందుకు తీసుకువచ్చేందుకు సన్నాహాలు చేస్తున్నారు. దీంతో ఈ సినిమా 2025 ఫిబ్రవరి 20వ తేదీన ప్రేక్షకుల ముందుకు రానుంది. ఈ విషయాన్ని తాజాగా చిత్ర యూనిట్ అధికారికంగా ప్రకటించింది. ఈ విషయమై దర్శకుడు సుమన్ బాబు మాట్లాడుతూ సినిమా చూసిన వారందరూ అద్భుతంగా ఉందని అంటున్నారన్నారు. సినిమా ఆలస్యం కావచ్చు కానీ కంటెంట్ మాత్రం కంటెంట్ ఖతర్నాక్ గా ఉందని చూసినవారు చెప్పుకొచ్చారని దర్శకుడు ఈ సందర్భంగా తెలిపారు. మరి ఈ సినిమా థియేటర్లలో ఎలాంటి వండర్స్‌ క్రియేట్ చేస్తుందో చూడాలి.