Anantapur: అనంతపురం జిల్లాలో ఢీకొన్న రెండు ద్విచక్రవాహనాలు

Anantapur: అనంతపురం జిల్లా ఉరవకొండ పట్టణ శివారులోని బూత్మాల్ కొండ వద్ద రెండు ద్విచక్ర వాహనాలు ఎదురెదురుగా ఢీకొన్నాయి. ఈ ప్రమాదంలో ప్రసాద్, గోవిందు తీవ్రంగా గాయపడ్డారు. గాయపడిన ప్రసాద్‌ను ఉరవకొండ వైపునకు వెళ్తున్న కారులో ఆస్పత్రికి తరలించారు. ప్రమాద స్థలంలోనే పడి ఉన్న గోవిందును చూసిన స్థానికులు ప్రైవేటు వాహనంలో ఉరవకొండ ఆస్పత్రికి తరలించారు. ప్రమాదం జరిగి అరగంట అయినా ఘటన స్థలానికి 108 వాహనం చేరుకోకపోవడంపై స్థానికులు ఆవేదన వ్యక్తం చేశారు.