TDP: వచ్చే నెల 4 వరకూ రా.. కదలిరా సభలకు విరామం

TDP: టీడీపీ అభ్యర్థుల ఎంపికపై అధినేత చంద్రబాబు కసరత్తు వేగవంతం చేశారు. ఇందులో భాగంగా... వచ్చే నెల 4 వరకూ రా.. కదలిరా సభలకు విరామం ప్రకటించారు. హైదరాబాద్ నివాసంలో అభ్యర్థుల ఎంపిక, సీట్ల సర్దుబాటుపై కసరత్తు చేస్తున్నారు. ఇవాళ లేదా రేపు చంద్రబాబు-పవన్ భేటీ కానున్నారు. ఒకే స్థానంలో ఇరుపార్టీల అభ్యర్థులు బలంగా ఉన్న స్థానాలపై చర్చించి నిర్ణయం తీసుకోనున్నారు.

మేనిఫెస్టోపై కూడా ఇరు పార్టీల అధ్యక్షులు తుది చర్చలు జరపనున్నారు. వచ్చే నెల మొదటి వారంలో చంద్రబాబు- పవన్ ఉమ్మడిగా అభ్యర్థులను ప్రకటించే ఛాన్స్ ఉంది. త్వరలోనే భారీ బహిరంగ సభలో మేనిఫెస్టో విడుదల చేసేలా ఏర్పాట్లు చేస్తున్నారు.