శ్రీశైలం మల్లన్న సేవలో ఏపీ బీజేపీ అధ్యక్షురాలు పురంధేశ్వరి

Daggubati Purandeswari: శ్రీశైల శ్రీ భ్రమరాంబ మల్లికార్జునస్వామి అమ్మ వారిని ఏపీ బీజేపీ అధ్యక్షురాలు దగ్గుపాటి పురంధేశ్వరి దర్శించుకున్నారు.. పురంధేశ్వరికి ఆలయ అర్చకులు, వేదపండితులు, అధికారులు స్వాగతం పలికారు. అనంతరం పురంధేశ్వరి శ్రీస్వామి వారికి రుద్రాభిషేకం, అమ్మ వారికి కుంకుమార్చన నిర్వహించారు.. బీజేపీ అధ్యక్షురాలికి అమ్మ వారి ఆశీర్వచన మండపంలో అర్చకులు, వేదపండితులు ఆశీర్వచనం చేశారు. ఆలయ అధికారులు శ్రీస్వామి అమ్మ వారి శేషవస్త్రాలు, తీర్థ ప్రసాదాలు అందించారు. అనంతరం దేవస్థానం కళావేదిక వద్ద అయోధ్యలో శ్రీ బాలరాముడి ప్రాణప్రతిష్ఠ కార్యక్రమాన్ని భక్తులతో కలిసి ఎల్‌ఈడీ స్క్రీన్‌పై పురంధేశ్వరి వీక్షించారు.