Peddireddy: సొంత నియోజకవర్గానికి చంద్రబాబు నీళ్లు ఇవ్వలేదు..

Peddireddy: ఏపీ పాలిటిక్స్‌లో బిజీ బిజీగా ఉండే మంత్రి పెద్దిరెడ్డి రామచంద్రారెడ్డి నియోజకవర్గం బాట పట్టారు. ఐదు రోజులుగా మొత్తం 158 పల్లెలు పర్యటించారు. ప్రతి ఏడాది రెండు సార్లు పల్లెబాట ద్వారా పల్లెటూళ్లలో పర్యటించి సమస్యలు తెలుసుకునే తాను కరోనా వల్ల మూడేళ్లలో కేవలం రెండుసార్లు మాత్రమే పల్లెబాట నిర్వహించానన్నారు. 14 ఏళ్లు ముఖ్యమంత్రిగా ఉండి, సొంత నియోజకవర్గానికి నీరు ఇవ్వలేని వ్యక్తి చంద్రబాబు నాయుడని పెద్దిరెడ్డి ఆరోపించారు. కుప్పంలో సాగు, త్రాగునీటి అవసరాలు కోసం నీరు నింపుకోవడానికి జలాశయాలు నిర్మిస్తున్నామని ఆయన చెప్పుకొచ్చారు.