TDP Lawyers: క్వాష్ పిటిషన్‌‌లో కీలక అంశాలు ప్రస్తావించిన టీడీపీ తరపు న్యాయవాదులు

TDP Lawyers: ఏపీ హైకోర్టులో క్వాష్ పిటిషన్‌ దాఖలు చేసిన టీడీపీ లాయర్లు అందులో కీలక అంశాలు ప్రస్తావించారు. FIRలో పేరు లేకుండానే చంద్రబాబును అరెస్ట్ చేశారన్నారు. రిమాండ్ రిపోర్ట్‌లో చంద్రబాబుపై చేసిన ఆరోపణలకు ఎలాంటి ఆధారాలు లేవని తెలిపారు. చంద్రబాబుపై చేసిన ఆరోపణలన్నీ కుట్రలో భాగమే అని.. తప్పుడు క్రిమినల్ కేసులో చంద్రబాబును ఇరికించారని పిటిషన్‌లో పేర్కొన్నారు. చంద్రబాబు నేరం చేశారనడానికి సిఐడి దగ్గర ఆధారాలు లేవని.. ఆధారాలు సేకరించడంలో సిఐడి విఫలమైందని కోర్టుకు తెలిపారు టీడీపీ లాయర్లు. పలువురు నిందితుల వాంగ్మూలలు తప్ప ఆధారాలు సేకరించకుండానే.. బాబును నిందితుడిగా చేర్చారని ఆరోపించారు.