Chandrababu: రేపో.. ఎల్లుండో నన్ను అరెస్ట్ చేయొచ్చు.. నాపై దాడి కూడా జరిగే ఛాన్స్ ఉంది

Chandrababu: ఏపీలో టీడీపీ, వైసీపీ మధ్య రాజకీయ వివాదం మరింత హీటెక్కింది. దాడులు, అరెస్టులతో పొలిటికల్ మంటలు ఎగిసిపడుతున్నాయి. ఈ క్రమంలో టీడీపీ అధినేత చంద్రబాబు కీలక వ్యాఖ్యలు చేశారు. రేపో, ఎల్లుండో వైసీపీ సర్కార్ తనను అరెస్ట్ చెయ్యొచ్చన్నారు చంద్రబాబు. అరెస్ట్ అయినా జరగొచ్చు లేదా దాడి అయినా జరగొచ్చు అన్నారు. తాను నిప్పులా బతికాను, ఏ తప్పూ చేయలేదని,, ప్రజా సమస్యలపై మాట్లాడితే అరెస్టులు, దాడులు చేస్తున్నారని జగన్ సర్కార్ పై చంద్రబాబు నిప్పులు చెరిగారు. అనంతపురం జిల్లాలో పర్యటిస్తున్నఆయన ఈ వ్యాఖ్యలు చేశారు. గత టీడీపీ హయాంలో చంద్రబాబు వందల కోట్ల కమీషన్ తీసుకున్నారని వైసీపీ నేతలు ఆరోపిస్తున్నారు. ఈ నేపథ్యంలో చంద్రబాబు అరెస్టుపై వార్తలు ఊపందుకున్నాయి.