Chandrababu arrest: ఐటీ ఉద్యోగుల ఛలో రాజమండ్రి.. ఆంద్రా, తెలంగాణ సరిహద్దుల్లోనే అడ్డుకోవాలని పోలీసుల నిర్ణయం

Chandrababu Arrest: ఏపీ, తెలంగాణ సరిహద్దులో పోలీసులు భారీగా మోహరించారు. చంద్రబాబుకు మద్దతుగా ఐటీ ఉద్యోగులు ర్యాలీ చేపట్టారు. హైదరాబాద్‌ నుంచి రాజమండ్రికి కార్లలో ర్యాలీగా బయల్దేరనున్నారు. అయితే ర్యాలీకి ఇప్పటికే అనుమతులు లేవని పోలీసులు హెచ్చరికలు జారీ చేశారు. ఈ నేపథ్యంలో విజయవాడ- హైదరాబాద్‌ హైవేపై పోలీసులు భారీగా మోహరించారు. ర్యాలీలకు, యాత్రలకు అనుమతులు లేవంటూ వార్నింగ్‌ ఇచ్చారు.

ఎన్టీఆర్ జిల్లా జగ్గయ్యపేటలో ఐటీ ఉద్యోగులు... చలో రాజమండ్రి కార్యక్రమాన్ని చేపట్టారు. ఈ నేపథ్యంలో.. హైదరాబాద్‌ నుంచి ఆంధ్రకు వచ్చే వాహనాలను గరికపాడు చెక్‌పోస్టు వద్ద క్షుణ్ణంగా పరిశీలించి ఏపీలోకి పంపుతున్నారు పోలీసులు.