AP Assembly: నేడు అసెంబ్లీలో మూడు బిల్లులు పెట్టనున్న ప్రభుత్వం

AP Assembly: ఏపీ అసెంబ్లీ ఈ రోజు ఉదయం 9 గంటలకు ప్రారంభం కానుంది. అసెంబ్లీ ప్రారంభంలోనే క్వశ్చన్ అవర్ మొదలు కానుంది. ఇవాళ అసెంబ్లీలో నీటి పారుదల కాల్వల ఆధునికీకరణ, ప్రభుత్వశాఖల్లో ఖాళీల భర్తీ, గిరిజన ప్రాంతాల్లో మౌలిక సదుపాయాల కల్పనపై ప్రత్యేకంగా చర్చించబోతున్నారు. ప్రశ్నోత్తరాల అనంతరం 2024-25 వార్షిక బడ్జెట్‌పై చర్చించబోతున్నారు. ఈరోజు అసెంబ్లీలో మూడు బిల్లులు ప్రవేశపెట్టబోతున్నారు.

ఆంధ్రప్రదేశ్ ఉప ముఖ్యమంత్రి పవన్ కళ్యాణ్ పంచాయతి రాజ్ బిల్లు -2024ను ప్రవేశ పెట్టబోతున్నారు. అలాగే ఆంధ్రప్రదేశ్ మున్సిపల్ బిల్లు 2024ను పురపాలక శాఖ మంత్రి నారాయణ, ఆంధ్రప్రదేశ్ ప్రభుత్వ ఉద్యోగుల బిల్లు 2024ను ఆర్థిక మంత్రి పయ్యావుల కేశవ్ ప్రవేశ పెట్టబోతున్నారు.