Andhra Pradesh: ఆంధ్రప్రదేశ్ పోలీస్ డిపార్ట్‌మెంట్ అరుదైన ఘనత

Andhra Pradesh: ఏపీ పోలీస్ డిపార్ట్‌మెంట్ ఒకేరోజు వరుసగా మూడు జాతీయ స్థాయి సంస్థల నుంచి కీలక అవార్డులను దక్కించుకుంది. స్మార్ట్ ఇన్నోవేటివ్ పోలీసింగ్‌కు దేశంలోనే అత్యుత్తమ ప్రదర్శనకు గాను ప్రతిష్టాత్మకమైన FICCI ఉత్తమ స్టేట్ అవార్డ్ దక్కింది. దేశంలోని వివిధ రాష్ట్రాల్లోని పోలీసు శాఖలో అనేక సాంకేతిక సంస్కరణలు చేపట్టిన డీజీపీలలో ఉత్తమ డీజీపీగా కూడా గౌతం సవాంగ్ ఎంపికయ్యారు. ఒకేరోజులో మూడు జాతీయ సంస్థల నుంచి అవార్డులు అందుకున్న ఏకైక పోలీస్ శాఖగా ఏపీ పోలీస్ డిపార్ట్‌మెంట్ రికార్డు సృష్టించింది.

మరోవైపు.. ఒకేరోజు మూడు అవార్డులు రావడంపై డీజీపీ గౌతం సవాంగ్ హర్షం వ్యక్తం చేశారు. జాతీయ స్థాయి సంస్థల నుంచి అవార్డులు అందుకోవడం గర్వకారణంగా ఉందన్న సవాంగ్ ప్రజా సేవలో మరింత మమేకమై ముందుకు సాగుతామన్నారు. అటు డీజీపీ గౌతం సవాంగ్‌ను ముఖ్యమంత్రి జగన్, హోం మంత్రి మేకతోటి సుచరిత అభినందించారు.